तमिळनाडूतील तिरूवन्नामलाई या प्रसिद्ध मंदिरात एक धक्कादायक घटना घडली. येथे मंदिरात दर्शनासाठी आलेला एक व्यक्ती मंदिर परिसरात मांसाहारी अन्न खाताना आढळून आला. याची माहिती मिळताच मंदिर प्रशासन सतर्क झाले आणि त्यांनी तातडीने या व्यक्तीविरोधात तक्रार दाखल केली. या घटनेमुळे परिसरात एकच खळबळ उडाली आहे.
मिळालेल्या माहितीनुसार, ही घटना तिरूवन्नामलाई मंदिर परिसरात घडली. या मंदिरात दर्शनासाठी आलेल्या काही भक्तांनी या व्यक्तीला मंदिर परिसरात मांसाहारी जेवण करताना पाहिले. त्यामुळे त्यांनी लगेचच मंदिर प्रशासनाला याबाबत माहिती दिली. यावेळी मंदिराच्या वरिष्ठांनी त्या व्यक्तीची चौकशी केली. तेव्हा त्यांने मी शाकाहारी जेवण मागवले होते. पण कदाचीत चुकून मांसाहारी जेवण आले असावे, असे त्या व्यक्तीने सांगितले.
दरम्यान, मंदिर प्रशासनाने तातडीने कारवाई करत त्या व्यक्तीविरोधात पोलिसात तक्रार दाखल केली. सध्या या प्रकरणावर चौकशी सुरू आहे.
