केप कानाव्हेरल प्रक्षेपण तळावरून मंगळवारी आंतरराष्ट्रीय अंतराळ स्थानकाकडे झेपावणाऱया बोइंगच्या स्टारलाईनर अंतराळ यानाच्या पायलट म्हणून भारतीय वंशाच्या अंतराळवीर सुनीता विल्यम्स या तिसऱया खेपेस अंतराळात जाणार आहेत. या अंतराळ यानाचे अंतराळवीरांसह होणारे हे पहिलेच चाचणी उड्डाण आहे. सुनीता आणि बुच विल्मोर हे बोईंगचे यान घेऊन स. 8.04 वाजता अंतराळ स्थानकाकडे उड्डाण करतील. अंतराळ यान विकसित करण्यात येणाऱया अडथळ्यांमुळे बोईंगच्या या यानाचे उड्डाण दीर्घकाळ लांबले होते.
