आपल्याला केशर म्हटलं की केशरी दूध किंवा केशर पेढा आठवतो. पण, केशरी रंगाचं आणि कडवट चवीचं केशर हा एक अतिशय गुणकारी पदार्थ आहे. जाणून घेऊया केशराच्या सेवनाचे फायदे
केशर सर्वात महाग असा मसाल्याचा पदार्थ आहे. केशराच्या फुलाच्या परागदलांपासून आपल्याला केशर मिळतं.
केशराच्या नियमित सेवनाने निद्रानाश, अपचन असे त्रास तर कमी होतातच. शिवाय केशरातील Carotenoid हे द्रव्य कर्करोगापासूनही आपला बचाव करतं. मासिक पाळीतील पोटदुखीवरही केशर अतिशय गुणकारी आहे.
केशरासोबत दूध किंवा मधाच्या सेवनाने त्वचेचा पोत उजळतो. तारुण्यपीटिका, त्वचारोग, काळे डाग यावर तर केशर उपयुक्त आहेच पण तसेच त्याने रोगप्रतिकारक्षमता देखील वाढते आणि स्मरणशक्ती सुधारते.
गर्भधारणेत केशरी दूध प्यायल्यास मूल गौरवर्णी होते असा समज आहे. मात्र वर्ण ही पूर्णतः आनुवंशिक बाब आहे. पण मातेला केशराच्या सेवनाने बरेच फायदे होतात. गर्भारपणातील मूड स्विंग्ज, morning sickness यांवर लाभदायी असून रक्तदाब नियंत्रित राहतो. शांत झोप लागते, अॅनिमियापासूनही गरोदर स्त्रीचा बचाव होतो.
खरं केशर ओळखण्याचे काही सोपे उपाय आहेत. केशर चवीला कडवट असतं. ते पाण्यात मिसळल्यानंतर पाणी पिवळं होतं. जर तपकिरी झालं तर ते अस्सल केशर नाही.
