पूर्व लडाखच्या पँगाँग सरोवरच्या उत्तर आणि दक्षिण किनाऱयावरून हिंदुस्थान आणि चीनच्या सैन्यांकडून माघार सुरू आहे. पण चीनची सेना हिंदुस्थानात घुसलीच नव्हती तर ती परत मागे गेलीच कशी असा सवल भाजप खासदाराने केला आहे.
Puzzle to be solved. MEA states: Chinese PLA never entered, across LAC, into Indian territory. But MEA now states: great diplomatic military success of Government–Chinese PLA has started to withdraw from Indian territory. Can both be true?
— Subramanian Swamy (@Swamy39) February 17, 2021
भाजप खासदार सुब्रमण्यम स्वामी हे कुठलीही भीडभाड न बाळगता स्वपक्षावर टीका करत असतात. आता लडाखमधून चीनची सेना मागे हटत आहे. त्यावरून स्वामी यांनी मोदी सरकारला चिमटे काढले आहेत.
स्वामी यांनी ट्विट करून परराष्ट्र मंत्रालयाचा जुना दाखला देत म्हटले आहे की चीनची पीपल्स लिबरेशन आर्मी हिंदुस्थानात आलीच नाही. तर आता परत कशी जात आहे? स्वामी यांनी ट्विट करून म्हटले आहे की, परराष्ट्र मंत्रालयाने आधी सांगितले की चीनच्या सेनेने घुसखोरी केलीच नाही. आता त्यांचे म्हणने असे आहे की हिंदुस्थानच्या राजनैतिक वाटाघाटीला यश आले आहे. चीन आता माघारी फिरला आहे. त्यामुळे दोन्ही गोष्टी बरोबर असू शकतात का असा सवालही स्वामी यांनी विचारला आहे.
