देशात कोरोना विषाणूचा कहर सुरू आहे. गेल्या काही दिवसांपासून रोजच 60 ते 75 हजारात रुग्ण सापडत आहेत. रुग्णांचा आकडा 35 लाख झाला आहे. अशातच केंद्र सरकारने ‘अनलॉक 4’ची नियमावली जाहीर केली. अनलॉक 4 मध्ये मेट्रो सेवा सुरू करण्याची परवानगी देण्यात आली आहे, मात्र शाळा, चित्रपटगृह, स्विमिंग पूल बंद राहणार आहेत.
As per #Unlock4 guidelines, Delhi Metro will resume its services for public from September 7 in a calibrated manner. Further details on the Metro functioning and its usage by the general public will be shared once the detailed SOP on Metros is issued: Delhi Metro Rail Corporation https://t.co/TB1aevteYu
— ANI (@ANI) August 29, 2020
या गोष्टी होणार सुरू
– 7 सप्टेंबर पासून अटी-शर्तीसह मेट्रो सेवा सुरू होणार
– 21 सप्टेंबर पासून सामाजिक, शैक्षणिक, क्रीडा, मनोरंजन, सांस्कृतिक, धार्मिक आणि राजकीय कार्यक्रम 100 लोकांच्या उपस्थितीत घेण्यास परवानगी. यादरम्यान मास्क, सोशल डिस्टन्स आणि थर्मल स्कॅनिंग अनिवार्य
– 21 सप्टेंबर पासून ओपन एअर थिएटर सुरू करण्यास परवानगी
– 21 सप्टेंबर पासून 50 टक्के शिक्षक आणि कर्मचारी वर्गाला शाळेत उपस्थित राहण्याची परवानगी
– 21 सप्टेंबर पासून शिक्षकांचा सल्ला घेण्यासाठी नववी ते बारावीचे विद्यार्थी ‘वॉलंटिअरी बेसिस’वर शाळेच्या आवारात जाऊ शकतील (फक्त कंटेन्मेंट झोन बाहेरच्यासाठी)
– 21 सप्टेंबर पासून तांत्रिक आणि संशोधन (लॅबमधील प्रयोग) शिक्षण घेणारे विद्यार्थी आणि पीएचडीचे विद्यार्थी यांच्यासाठी शैक्षणिक संस्था सुरू करण्यास परवानगी.
या गोष्टी बंद राहणार
– कंटेन्मेंट झोनमध्ये 20 सप्टेंबर 2020 पर्यत लॉकडाऊन काळात घातलेले नियमच लागू राहणार आहेत.
– चित्रपट गृह, मनोरंजन पार्क बंद राहणार
– स्विमिंग पूल सुरू करण्यास परवानगी नाही.
