आगा खान एजन्सी फॉर हॅबिटाट इंडियाच्या वतीने महाराष्ट्र इन्फॉर्मेशन टेक्नॉलॉजी कॉर्पोरेशन लिमिटेड (महाआयटी) सोबत करार करण्यात आला. या करारामुळे अनेक बदल निर्माण करण्यास सक्षम केले जातील.
मॅरिट्रोनिक्स आयपीओ
शेअर बाजारातील एसएमई आयपीओ सेगमेंटमध्ये आणखी एका दमदार कंपनीची एन्ट्री होणार आहे. ‘मॅरिट्रोनिक्स लिमिटेड’ कंपनीने आपला ‘रेड हेरिंग प्रॉस्पेक्टस’ दाखल केला आहे. मॅरिट्रोनिक्स कंपनी 70.03 कोटी उभे करेल.
निप्पो थॉर मॅक्स
इंडो नॅशनल लिमिटेड या प्रतिष्ठत कंपनीने, जी प्रसिद्ध ग्राहक ब्रँड निप्पो मागे आहे, आज आपली सर्वात प्रगत अल्कलाइन बॅटरी निप्पो थॉर मॅक्स लॉन्च केली. या लॉन्चमुळे कंपनीने प्रीमियम बॅटरी सेगमेंटमध्ये महत्त्वपूर्ण पाऊल टाकले आहे. .
बेन्स कुकीज
‘धरमपाल सत्यपाल ग्रुप’ने (डीएस ग्रुप) लोकप्रिय ब्रिटिश ब्रँड बेन्स कुकीज यांच्याशी केलेल्या एका विशेष भागीदारीची अधिकृत घोषणा केली आहे. या वेळी ‘बेन्स कुकीज इंडिया’च्या संस्कृती गुप्ता, बेन्स कुकीजचे ल्यूक मेनेझेस उपस्थित होते.
पॅराशूटचाही आता नवीन शॅम्पू आला
मॅरिको लिमिटेडने पॅराशूट ऍडव्हान्स्ड प्रोटीन शॅम्पूच्या लाँचसह हेअर क्लिन्झिंग श्रेणीमध्ये प्रवेश करून हेअर केअर क्षेत्रामधील आपले स्थान अधिक बळकट केले आहे. या वेळी मॅरिकोचे इंडिया कोअर बिझनेसचे सीईओ आशीष गोपाल, मुख्य विपणन अधिकारी विक्रम करवाल उपस्थित होते. या उत्पादनाच्या लाँचमुळे देशातील पर्सनल केअर क्षेत्रात कंपनीचे स्थान अधिक बळकट होईल. या क्षेत्राचे मूल्य 10,000 कोटींहून अधिक असून ते 9 ते 10 टक्के दराने वाढत आहे.
अरिहंत अकॅडमीचा नफा दुप्पट होऊन 9.11 कोटींवर
अरिहंत अकॅडमी लिमिटेड कंपनीने आर्थिक वर्ष 2026 मध्ये उत्कृष्ट आर्थिक कामगिरीची नोंद केली आहे, जिथे करोत्तर नफा (पीएटी) 9.11 कोटी रुपयांवर पोहोचला आहे, ज्यामध्ये आर्थिक वर्ष 2025 मधील 4.45 कोटी रुपयांच्या नफ्याच्या तुलनेत वार्षिक आधारावर 104.85 टक्के वाढ झाली आहे. कंपनीचा एकूण एकत्रित महसूल आर्थिक वर्ष 2025 मधील 42.52 कोटी रुपयांवरून आर्थिक वर्ष 26 मध्ये 52.57 टक्क्यांनी वाढून 64.87 कोटी रुपयांवर पोहोचला आहे. आर्थिक वर्ष 2026 च्या चौथ्या तिमाहीत कंपनीने 3.32 कोटी रुपयांचा करोत्तर नफा (पीएटी) नोंदवला आहे.
स्टोव्हक्राफ्ट लिमिटेडची दमदार कामगिरी
स्टोव्हक्राफ्ट लिमिटेडने 31 मार्च 2026 रोजी संपलेल्या तिमाही आणि आर्थिक वर्षाचे निकाल जाहीर करताना मजबूत वाढ नोंदवली. या वेळी स्टोव्हक्राफ्ट लिमिटेडचे व्यवस्थापकीय संचालक राजेंद्र गांधी उपस्थित होते. कंपनीची इंडक्शन कुकटॉप श्रेणी आर्थिक वर्ष 25 च्या चौथ्या तिमाहीमध्ये सर्वात मोठा ग्रोथ ड्रायव्हर ठरली. या श्रेणीत वर्षानुवर्षे 89.4 टक्के मूल्यवाढ नोंदवली गेली.
ट्रव्हलपोर्ट, कॉग्निझंट आणि अँथ्रॉपिक एकत्र
कॉग्निझंट ट्रव्हलपोर्टसह धोरणात्मक एआय परिवर्तनावर काम करीत आहे. त्या मार्गाचे आधुनिकीकरण करण्यासाठी अँथ्रोपिकच्या क्लॉडला तैनात करेल. ट्रव्हलपोर्टमध्ये एआय वैशिष्टय़े अंतर्भूत करताना जगभरातील विमान कंपन्या, हॉटेल व्यावसायिक, प्रवास व्यवस्थापन कंपन्या आणि ऑनलाइन प्रवासी संस्थांना गती देणे हे या सहकार्याचे उद्दिष्ट आहे.
सेल्सफोर्स सेवांचा विस्तार
सेल्सफोर्सने भारतातील आपल्या हायपरफोर्स प्लॅटफॉर्मचा विस्तार करत म्युलसॉफ्टच्या आगामी उपलब्धतेची घोषणा केली आहे. या विस्तारात म्युलसॉफ्ट एजंट फॅब्रिक, म्युलसॉफ्ट ओम्नी गेटवे आणि म्युलसॉफ्ट व्हाइब्स या सेवांचा समावेश प्रस्तावित आहे. या निर्णयामुळे म्युलसॉफ्ट ऍनीपॉइंट प्लॅटफॉर्म भारतासाठीच्या समर्पित क्षेत्रावर उपलब्ध होईल.
