एलॉन मस्क यांच्या टेस्ला कारची चर्चा गेल्या दोन ते तीन वर्षांपासून जोरात सुरू आहे. मुंबईतील बीकेसीमध्ये एक शोरूम उघडण्यात येणार आहे. हे स्पष्ट झाल्यानंतर आता कुर्ल्यात एक गोदाम घेतले जाणार आहे. हे गोदाम 24 हजार 565 चौरस फूट जागेवर असून यासाठी मासिक भाडे 37.53 लाख रुपये ठरवण्यात आले आहे. हे गोदाम पाच वर्षांसाठी भाडय़ाने घेण्यात आले असून पाच वर्षांसाठी मस्क यांची कंपनी एकूण 24.38 कोटी रुपये भाडे मोजणार आहे. भाडय़ाव्यतिरिक्त, टेस्ला कंपनी संपूर्ण भाडेपट्टी कालावधीत कॉमन एरिया देखभाल शुल्कासाठी 1.62 कोटी रुपये देण्यास जबाबदार आहे. तसेच 2.25 कोटी रुपयांची सुरक्षा ठेव भरली आहे. भाडेपट्टी कराराची औपचारिक नोंदणी 16 मे 2025 रोजी झाली. 1 जून 2025 पासून भाडय़ाला सुरुवात झाली असून 19 एप्रिल 2023 पर्यंत लॉक इन क्लॉज पाच वर्षांचा आहे. या करारात 20 पार्ंकग स्पॉट्सची सुविधासुद्धा देण्यात आली आहे.
