मित्रासोबतच्या सेक्स व्हिडीओवरून ब्लॅकमेल करत बापाचा अल्पवयीन मुलीवर बलात्कार

14709
प्रातिनिथिक फोटो

मुंबईत एका सख्ख्या बापाने आपल्या अल्पवयीन मुलीवर बलात्कार केला आहे. धक्कादायक म्हणजे पीडिती मुलीचा तिच्या मित्रासोबत एक सेक्स व्हिडीओ होता. त्या व्हिडीओवरून वडिलांनी मुलीला ब्लॅकमेल केले आणि तिच्यावर लैंगिक अत्याचार केले. तसेच पीडित मुलीच्या मित्रानेही तिच्यावर अत्याचार केले आहे. आरोपी वडील आणि पीडित मुलीच्या मित्रावर पोक्सो अंतर्गत कारवाई करण्यात आली आहे.

15 जुलै 2019 रोजी मुलीचा मित्र कॉलेज प्रोजेक्ट निमित्त मुलीच्या घरी आला होता. मुलीच्या घरी मुलीचे आई वडील उपस्थित होते. प्रोजेक्ट झाल्यानंतर मुलाने सगळ्यांसाठी ऑनलाईन जेवण मागवले. मुलीची तब्येत ठीक नसल्याने नंतर खाईन असे सांगितले. तेव्हा मुलाने आणि मुलीच्या आई वडिलांनी जेवून घेतले. जेवण संपल्याचे कळाल्यावर मुलगी चिडली आणि आपल्या बेडरूममध्ये गेली. तेव्हा मुलगा तिची समजूत घालण्यासाठी तिच्या मागे मागे गेला. मुलाने तिची समजूत घातली. नंतर मुलाने मुलीशी लगट करण्याचा प्रयत्न केला. तिचा विरोध असताना तो तिच्या जवळ जात होता. मुलाने तिच्यावर बलात्कार केला आणि निघून गेला. मुलीने याबाबत कुठेच वाच्यता केली नाही.

काही दिवसांनी मुलीचे वडील तिच्याजवळ आले आणि तिचा आणि तिच्या मित्रासोबतचा सेक्स व्हिडीओ दाखवला. तसेच तिला ब्लॅकमेल करण्यास सुरूवात केली. आपण जे सांगितले ते न केल्यास तुझ्या आईला घटस्फोट देऊ अशी धमकी वडिलांनी दिली आणि तिच्यावर बलात्कार केला.

पीडित मुलीची आई नवर्‍यापासून वेगळी राहत होती. मुलीच्या फोनमध्ये तिचे काही न्युड व्हिडीओ आईने पाहिल्यानंतर तेव्हापासून ती वेगळी राहत होती. नंतर काही दिवसांनी पीडित मुलीने आईला फोन करू सर्व हकीगत सांगितली. आईने पोलिसांकडे धाव घेत वडील आणि पीडित मुलीच्या मित्राविरोधात तक्रार दाखल केली. या प्रकरणी पोलिसांनी पोक्सो अंतर्गत आरोपी वडील आणि पीडित मुलीच्या मित्राला अटक केली आहे. तसेच पुढील तपास सुरू आहे.

आपली प्रतिक्रिया द्या