मंगळ, चंद्र आणि सूर्य मोहिमा यशस्वी झाल्यानंतर हिंदुस्थान अंतराळ संशोधन संस्थेने (इस्रो) अंतराळात मानवरहित यान पाठवण्याची योजना आखली आहे. याच योजनेचा भाग म्हणून शनिवारी सकाळी आंध्र प्रदेशमधील श्रीरहरिकोटा येथील सतीश धवन अंतराळ केंद्रातून ‘गगनयान मिशन’चे पहिले चाचणी उड्डाण घेण्यात आले. ही चाचणी यशस्वी झाली आहे.
‘गगनयान मिशन’चे पहिले चाचणे उड्डाण शनिवारी सकाळी दहाच्या सुमारास घेण्यात आले आहे. टीव्ही-डीव्ही 1 (क्रू मॉड्यूल) चाचणी अंतर्गत द्रव इंधनावर चालणाऱ्या सिंगल स्टेज रॉकेटसह अंतराळात पाठवण्यात आले आहे. हे चाचणी उड्डाण यशस्वी झाले असून यासाठी इस्त्रोचे प्रमुख एस. सोमनाथ यांनी संपूर्ण टीमचे अभिनंदन केले.
#WATCH | Sriharikota: ISRO Chief S Somanath says, “I am very happy to announce the successful accomplishment of the TV-D1 mission. The purpose of this mission was to demonstrate the crew escape system for the Gaganyaan program through a test vehicle demonstration in which the… pic.twitter.com/P34IpyPeVU
— ANI (@ANI) October 21, 2023
चाचणी वाहनासह अंतराळवीरांसाठी तयार केलेले क्रू मॉड्यूलही अंतराळात नेले आहे. प्रक्षेपणानंतर सुमारे 12 ते 17 किमी उंचीवर मिशन रद्द करण्याचा आदेश दिला जाईल. या आदेशाने क्रू एस्केप सिस्टीम सक्रीय होईल आणि 90 सेकंदात ते क्रू मॉड्यूलपासून वेगळे होईल. यानंतर क्रू मॉड्यूल पृथ्वीवर परत येईल. बंगालच्या उपसागरात हे क्रू मॉड्यूल उतरेल.
View this post on Instagram
दरम्यान, ‘गगनयान मिशन’चे चाचणी उड्डाण शनिवारी सकाळी 8 वाजता होणार होते. मात्र खराब हवामान आणि तांत्रिक अडचणीमुळे हे उड्डाण अखेरच्या सेकंदाला रद्द करण्यात आले होते. त्यानंतर ही तांत्रिक अडचण दूर करण्यात आली आणि 10 वाजता चाचणी उड्डाण घेण्यात आले.
‘इस्रो’चे हे मिशनसुद्धा अन्य मिशनप्रमाणे खास असणार आहे. हे मिशन म्हणजे हिंदुस्थानकडून अंतराळात मानव मिशन पाठवण्याच्या महत्त्वाकांक्षी योजनेचा एक भाग आहे. जर हे मिशन यशस्वी झाले तर हिंदुस्थानच्या नावावर आणखी एका विक्रमाची नोंद होईल.
क्रू एस्केप सिस्टम (सीईएस) गगनयानचा महत्त्वाचा भाग आहे. आज यान टीव्ही-डी1 ची चाचणी केली गेली. जी गगनयान कार्यक्रमांतर्गत चार चाचणी मिशनपैकी एक आहे. यानंतर दुसरी चाचणी यान टीव्ही-डी2 आणि नंतर मानवरहित गगनयानचे (एलवीएम3-जी1) प्रक्षेपण केले जाईल. दुसऱ्या टप्प्यात चाचणी यान मिशन (टीवी-डी3 आणि डी4) आणि एलवीएम3-जी2 ला रोबोटिक पेलोडसोबत पाठवण्याची ‘इस्रो’ची योजना आहे.
