इंग्लंडमध्ये लाल चेंडू क्रिकेट म्हणजेच कसोटी क्रिकेट खेळणे नेहमीच आव्हानात्मक असते. मात्र आगामी इंग्लंड दौऱयात डय़ूक्स बॉलने गोलंदाजी करण्यास आणि चेंडू मऊ झाल्यावर विकेट घेण्यास उत्सुक आहे, असे हिंदुस्थानचा वेगवान गोलंदाज जसप्रीत बुमराने सांगितले. आयसीसीचा वर्षातील सर्वोत्तम पुरुष क्रिकेटपटू आणि 2024 चा वर्षांतील सर्वोत्तम कसोटी क्रिकेटपटू बुमरा 20 जून रोजी लीड्समध्ये कसोटी मालिकेतील सलामीच्या सामन्यात मैदानात उतरेल.
