बरेच लोक तक्रार करतात की सकाळी बराच वेळ शौचालयात बसल्यानंतरही त्यांचे पोट साफ होत नाही. यामुळे त्यांना दिवसभर जडपणा, गॅस, आळस आणि चिडचिड जाणवते. पोट साफ होण्यासाठी काही घरगुती उपाय करणे हे सर्वात बेस्ट आहे. याकरता अगदी साधे सोपे उपाय करुन पोट साफ होण्यास मदत होईल.
पोट साफ करण्यासाठी ही पेये प्या
पुदिन्याचा चहा
पुदिना पोटाला आराम देतो आणि पचनसंस्थेला आराम देतो. पुदिन्यामध्ये मेन्थॉलचे प्रमाण गॅस, अपचन आणि पोटफुगी कमी करते. सकाळी रिकाम्या पोटी कोमट पुदिन्याचा चहा प्यायल्याने आतड्यांची हालचाल सुधारते आणि पोट सहज स्वच्छ होण्यास मदत होते.
ताजी पुदिन्याची पाने धुवा आणि ती एका ग्लास पाण्यात घाला. पाणी अर्धे होईपर्यंत उकळवा. तुमचे हर्बल पेय तयार आहे.
ज्येष्ठमध चहा
ज्येष्ठमध आतड्यांमधील कचरा बाहेर काढण्यास मदत करते. ज्यांना वारंवार बद्धकोष्ठतेचा त्रास होतो त्यांच्यासाठी ज्येष्ठमध चहा लक्षणीय आराम देऊ शकतो. यामुळे पोटाची जळजळ आणि आम्लता देखील कमी होते. ते तयार करण्यासाठी, ज्येष्ठमधाचे तुकडे पाण्यात उकळा. हे पाणी थोडे गरम झाल्यानंतर प्या.
त्वचेला नवा तजेला देण्यासाठी काॅफीचा कसा वापर कराल, जाणून घ्या
आल्याचा हर्बल चहा
आपल्या पाचनशक्तीसाठी आले हे फार महत्त्वाचे मानले जाते. आल्याला पचनासाठी एक सुपरफूड मानले जाते. आल्यामध्ये असलेले जिंजरॉल आतड्यांच्या हालचालींना चालना देते. सकाळी कोमट आल्याची हर्बल चहा प्यायल्याने पोट उबदार होण्यास मदत होते. त्यामुळे साचलेल्या मलाचे सहजगतीने विसर्ग होतो.
बडीशेप पाणी
गॅस, बद्धकोष्ठता आणि शरीरामधील जडत्व दूर करण्यासाठी बडीशेप खूप फायदेशीर आहे. रात्रभर अर्धा चमचा बडीशेप एका ग्लास पाण्यात भिजवून ठेवा आणि सकाळी थोडे गरम करून प्या. यामुळे पचन सुधारते आणि सकाळी वेळेवर पोट साफ होण्यास मदत होते.
जिरे पाणी
जिरे हे पचनासाठी अत्यंत फायदेशीर मानले जाते. ते पोटातील विषारी पदार्थ बाहेर काढण्यास मदत करते आणि बद्धकोष्ठतेपासून आराम देते. सकाळी रिकाम्या पोटी रात्रभर भिजवलेले जिरे पाणी पिल्याने हलके आणि स्वच्छ वाटण्यास मदत होते.
या गोष्टीही लक्षात ठेवा
या पेयांव्यतिरिक्त, डॉक्टर दिवसभर पुरेसे पाणी पिण्याचा सल्ला देतात जेणेकरून शरीर हायड्रेटेड राहील.
आहारात सॅलड, फळे, ओट्स, संपूर्ण धान्य यासारखे फायबर समाविष्ट करा.
दररोज किमान २०-३० मिनिटे व्यायाम करा, जेणेकरून आतडे सक्रिय राहतील.
या सवयी अंगीकारल्या तर सकाळी पोट साफ न होण्याची समस्या बऱ्याच प्रमाणात दूर होऊ शकते आणि तुमचे शरीर दिवसभर हलके आणि उत्साही वाटेल.
