माघवारी निमित्त श्री विठ्ठल-रुक्मिणीची नित्यपूजा संपन्न

माघी एकादशी निमित्त श्री विठ्ठल-रुक्मिणीची शासकीय महापूजा मंगळवारी पहाटे संपन्न झाली. यावेळी श्री विठ्ठलाची पुजा मंदीर समितीच्या सदस्या अँड माधवी निगडे यांच्या उपस्थितीत तर श्री रुक्मिणी मातेची पूजा मंदीर समितीचे सदस्य ह.भ.प. ज्ञानेश्वर महाराज जळगांवकर यांच्या उपस्थित संपन्न झाली.

माघवारी जयाशुद्ध एकादशी निमित्ताने मंदिरात आकर्षक फुलांची आरास करण्यात आली होती. तसेच कोरोनाच्या पार्श्वभूमीवर मंदीर समितीमार्फत आवश्यक उपाययोजना करण्यात आल्या होत्या. सचिन चव्हाण, संदीप पाटील आणि युवराज सोनार (पुणे) या भक्तांनी आरास करण्यासाठी एक टन फुले पुरविली आहेत.

आपली प्रतिक्रिया द्या