पार्श्वगायक मनहर उधास म्हटलं म्हणजे हिंदी चित्रपटांमधील गाजलेली गाणी मनात घुमू लागतात. त्यांनी गुजराती गाणीही बरीच गायली आहेत. त्यांच्या याच हिंदी, गुजराती मधूर गाण्यांचा नजराणा प्रेक्षकांना मिळणार आहे. येत्या शनिवारी 8 जून रोजी वरळीच्या नेहरू सेंटरमध्ये सायंकाळी 7 वाजता मनहर उधास यांची कॉन्सर्ट रंगणार आहे. प्रकाश वाडेकर, पंकज शाह आणि सुनील कोठारी प्रझेंट या कॉन्सर्टमध्ये मनहर उधास एव्हरग्रीन हिंदी व गुजराती लोकप्रिय गाणी गाणार आहेत. मनहर उधास यांनी आतापर्यंत 300हून अधिक चित्रपटांमध्ये गाणी गायली असून अनेक बॉलीवूड नायकांना त्यांनी आपला आवाज दिला आहे.
