सामना ऑनलाईन । मुंबई
वर्षाच्या शेवटच्या रविवारी मुंबईकर मेगाब्लॉकला सामोरे जाणार आहेत. मध्य रेल्वेने मुलुंड-माटुंगा अप धीम्या मार्गावर आणि कुर्ला-वाशी मार्गावर मेगाब्लॉक घोषित केला आहे. शनिवार-रविवार मध्य रात्री वसई रोड-भाईंदर रात्रकालीन ब्लॉक झाला. यामुळे पश्चिम रेल्वेवरील प्रवाशांना वर्षातील शेवटच्या रविवारी जम्बो ब्लॉकमधून सुटका मिळाली आहे.
मध्य रेल्वे
मुलुंड ते माटुंगा
ब्लॉक मार्ग – अप धीमा, वेळ – सकाळी 11.10 ते दुपारी 3.40
अप धीम्या मार्गावरील लोकल अप जलद मार्गावरून चालवण्यात येतील. या लोकलला नेहमीच्या थांब्यासह अन्य स्थानकांवर थांबा देण्यात येणार आहे. यामुळे या लोकल सुमारे 10 ते 15 मिनिटे विलंबाने धावणार आहेत.
हार्बर रेल्वे
कुर्ला ते वाशी
ब्लॉक मार्ग – अप आणि डाऊन- वेळ – सकाळी 11.10 ते 3.40
ब्लॉक काळात अप आणि डाऊन मार्गावरील लोकल फेऱ्या बंद राहणार आहेत. प्रवाशांच्या सोयीसाठी छत्रपती शिवाजी महाराज टर्मिनस ते कुर्ला आणि वाशी-पनवेल मार्गावर विशेष लोकल चालवण्यात येतील. रविवारी सकाळी 10 ते दुपारी 4.30 पर्यंत हार्बर प्रवाशांना त्याच तिकीट-पासवरून ट्रान्स हार्बर आणि मध्य मार्गावरून प्रवास करण्याची मुभा आहे.
पश्चिम रेल्वेवर रात्रकालीन ब्लॉक
वसई रोड आणि भाईंदर स्थानकांदरम्यान अप आणि डाऊन मार्गावर रात्रकालीन ब्लॉक घेण्यात आला आहे. शनिवारी मध्यरात्री 12.30 ते पहाटे 4 पर्यंत ब्लॉक काळातील कामे करण्यात आली. त्यामुळे पश्चिम रेल्वेची सकाळच्या ब्लॉकमधून सुटका झाली आहे.
