आमदार अपात्रतेप्रकरणी विधानसभा अध्यक्ष राहुल नार्वेकर यांना सर्वोच्च न्यायालयाने 10 दिवसांची मुदतवाढ दिली आहे. निकाल लावण्यासाठी 3 आठवड्याची मुदतवाढ देण्याची मागणी नार्वेकर यांनी सर्वोच्च न्यायालयाकडे अर्जाद्वारे केली होती.
Supreme Court extends till January 10 the time for Maharashtra Assembly Speaker Rahul Narwekar to pronounce verdict on disqualification petitions against MLAs including Chief Minister Eknath Shinde.
Speaker has sought extension of time to decide disqualification pleas against… pic.twitter.com/iwpjIB60zF
— ANI (@ANI) December 15, 2023
शिवसेना आमदार अपात्रता प्रकरणाचा निकाल 31 डिसेंबरपर्यंत लावण्याचे आदेश सर्वोच्च न्यायालयाने दिले आहेत. त्यानुसार अध्यक्षांनी 21 नोव्हेंबारपासून या प्रकरणाची सुनावणी सुरू केली आहे. विधिमंडळाच्या अधिवेशनादरम्यानही दररोज सुमारे 5-6 तास सुनावणी घेत उलटतपासणी पूर्ण करण्यात आली आहे.
सोमवारपासून तीन दिवस वकिलांचा अंतिम युक्तिवाद होणार आहे. दोन्ही पक्षांना दीड-दीड दिवस यासाठी देण्यात आला आहे. सुनावणीदरम्यान सुमारे सात साक्षीदारांकडून 1100 हून अधिक प्रश्नांची उत्तरे घेण्यात आली आहेत. आता याच उत्तरांवर आणि उपलब्ध कागदपत्रांवर दोन्ही बाजूकडील वकील युक्तिवाद करणार आहेत.
हा युक्तिवाद झाल्यानंतर दहा दिवस निर्णय घेण्यासाठी विधानसभा अध्यक्षांना मिळत आहेत. या कागदपत्रांची छाननी तसेच युक्तिवादातील तपशील याचा आढावा घेऊन निकाल देण्यास 10 दिवसांचा कालावधी पुरेसा नसून किमान दोन-तीन आठवड्यांची मुदतवाढ देण्याची मागणी अध्यक्षांनी केली होती. यासंदर्भातील विनंती अर्ज सर्वोच्च न्यायालयाकडे महाधिन्यायवक्ता यांच्यामार्फत पाठविण्यात आला होता. यावर आज सर्वोच्च न्यायालयाने निर्णय घेतला आणि विधानसभा अध्यक्षांना 10 दिवसांची मुदतवाढ दिली.
View this post on Instagram
