हरियाणाचे मुख्यमंत्री मनोहरलाल खट्टर यांनी मंगळवारी त्यांच्या पदाचा राजीनामा दिला. त्यानंतर मुख्यमंत्रीपदी नायाब सिंग सैनी यांची वर्णी लागली आहे. संध्याकाळी 5 वाजता सैनी मुख्यमंत्रीपदाची शपथ घेणार आहेत.
#WATCH | Haryana BJP MLA Krishan Lal Middha says, “Nayab Singh Saini to be next CM of Haryana. All people are now going to meet the Governor…” pic.twitter.com/8PBhukdzC5
— ANI (@ANI) March 12, 2024
मनोहर लाल खट्टर व त्यांच्या पूर्ण कॅबिनेटने मंगळवारी राज्यपाल बंदारू दत्तात्रेय यांच्याकडे त्यांचे राजीनामे सुपूर्द केले. हरयाणात सध्या राजकीय हालचालींनी वेग घेतला आहे. भाजपने महाराष्ट्राप्रमाणे हरयाणातही फोडाफोडीचे राजकारण सुरू केले असून जेजेपीचे काही आमदार गळाला लागल्याची चर्चा आहे.
भाजप धोकेबाजीचा पॅटर्न आता हरियाणात राबवत आहे. हरियाणात ज्या जननायक जनता पक्षासोबत (जेजेपी) भाजपने युती करून सत्ता मिळवली. आता त्याच मित्रपक्षाचे आमदार भाजपने फोडल्याचे सांगण्यात येत आहे. जेजेपीचे तीन आमदार फोडून भाजपचे मनोहरलाल खट्टर हे पुन्हा मुख्यमंत्री होणार, अशी चर्चा आहे. यासोबत भाजपने इतर अपक्ष आमदारांचाही पाठिंबा मिळवला आहे.
काय घडलं राजकारण?
लोकसभा निवडणुकीच्या जागावाटपावरून भाजप आणि जेजेपीमध्ये खटके उडाले. यामुळे दोन्ही पक्षांची युती तुटली. त्यानंतर हरियाणात भाजप स्वबळावर सरकार स्थापन करण्याच्या तयारीत आहे. हरियाणात भाजपचे 41 आमदार आहेत. तर जेजेपीचे तीन आणि दोन अपक्ष आमदार भाजपच्या संपर्कात असल्याचे सांगण्यात येत आहे.
हरियाणा विधानसभेतील पक्षीय बलाबल
हरियाणा विधानसभेच्या 90 जागा आहेत. त्यात बहुमतासाठी 46 आमदारांची गरज आहे.
भाजप- 41
भाजप सोबत अपक्ष आमदार- 6
जेजेपी- 10
काँग्रेस- 30
हरियाणा लोकहित पार्टी- 1
अपक्ष – 1
इंडियन नॅशनल लोकदल – 1
