सामना ऑनलाईन । सूरत
गुजरातमध्ये पंतप्रधान नरेंद्र मोदी यांचे भाषण सुरू असताना एक कॅमेरामन बेशुद्ध झाला. कॅमेरामन बेशुद्ध झाल्याचे लक्षात येताच मोदींनी भाषण थांबवले आणि तत्कान रुग्णवाहिकेची व्यवस्था करण्याचे निर्देश दिले. याचा व्हिडीओही सध्या सोशल मीडियावर व्हायरल होत आहे. या कॅमेरामनच्या नाव किशन रमोलिया असल्याची प्राथमिक माहिती मिळत आहे.
मोदींच्या हस्ते नवीन बस डेपोच्या शिलान्यासाचा कार्यक्रम आयोजिक करण्यात आला होता. मोदींचे भाषण सुरू असताना कार्यक्रम कव्हर करण्यासाठी आलेला कॅमेरामन बेशुद्ध होतो. व्हिडीओमध्ये काही व्यक्ती एकाला घेऊन जाताना दिसत असून मोदी या दरम्यान आपले भाषण थांबवतात आणि सोबतच्या अधिकाऱ्यांना आजारी व्यक्तीसाठी रुग्णवाहिकेची व्यवस्था करण्याचे निर्देश देतात. मोदींच्या आदेशानंतर 108 क्रमांकावर फोन करून रुग्णवाहिका बोलावली जाते आणि कॅमेरामनला रुग्णालयात दाखल करण्यात येते.
#WATCH: PM Modi stops his speech at the inauguration of the new terminal building in Surat after observing that a cameraman has fainted. PM told the officers to urgently arrange for an ambulance for the cameraman, Kishan Ramolia. He was rushed to the hospital in a 108 Ambulance. pic.twitter.com/xUudmFl7cc
— ANI (@ANI) January 30, 2019
म्हणून बेशुद्ध पडलो
पंतप्रधान नरेंद्र मोदींचा कार्यक्रम कव्हर करत होतो आणि मी सकाळपासून पाणी प्यायले नव्हते. यामुळे मला गुंगी आल्याचे कॅमेरामन किशन रमोलिया याने सांगितले. तसेच कार्यक्रमस्थळी असणाऱ्या अधिकाऱ्यांनी मला तत्काळ मदत केल्याचेही तो म्हणाला.
K Ramoliya, Cameraman who fainted during PM’s speech in Surat: I had no water since morning as it wasn’t allowed to be carried inside, so I fainted. It’s good that PM was paying attention to his surroundings during his speech, he noticed me falling down&asked officers to help me. pic.twitter.com/DSIIdBjc7h
— ANI (@ANI) January 30, 2019
