अयोध्येच्या राम मंदिरातील राम दरबाराची प्राणप्रतिष्ठा गुरुवारी अभिजित मुहूर्तावर झाली. त्यात प्रभू श्रीराम, सीतामाता, लक्ष्मण, भरत, शत्रुघ्न आणि हनुमान मूर्ती विराजमान आहेत. मंदिराच्या गर्भगृहाच्या वर म्हणजेच पहिल्या मजल्यावर राम दरबार बांधण्यात आला आहे. या दरबारात सकाळी 11.25 ते 11.40 या वेळेत अभिषेक कार्यक्रम पार पडला.
– सूरतमधील व्यापारी मुकेश पटेल यांनी राम दरबारासाठी हिरे, सोने आणि चांदीचे दागिने दान केले आहेत.
– एक हजार कॅरेटचा हिरा, 30 किलो चांदी, 300 ग्रॅम सोन्याची आभुषणे, 300 कॅरेट माणिकापासून बनवलेले 11 मुकुट चार्टर्ड विमानाने अयोध्येत आणण्यात आले.
-प्रभू श्रीराम, लक्ष्मण, भरत, शत्रुघ्न यांच्या मूर्तींसाठी हार, कानातले दागिने, कपाळावर टिळा, धनुष्य आणि बाण यांचाही समावेश आहे. श्रीराम आणि सीतामाता सिंहासनावर विराजमान आहेत तर भरत आणि हनुमान त्यांच्या पायाजवळ बसले आहेत.
