लोकसभा निवडणूकीच्या कामकाजात व्यस्त असताना रत्नागिरीचे जिल्हाधिकारी एम. देवेंदर सिंह यांनी शनिवारी रात्री 9.30 वाजता जिल्हा शासकीय रुग्णालयाला अचानक भेट दिली. या भेटीदरम्यान त्यांनी रुग्णांशी संवाद साधून त्यांची विचारपूस केली. त्यानंतर तेथील व्यवस्थापनाबाबतही त्यांनी माहिती घेतली. जिल्हा शासकीय रूग्णालयात अनेक गैरसोयी आहेत. डॉक्टर नसल्यामुळे रूग्णांचे हाल होत आहेत. जिल्हा रूग्णालयात फिजिशीयन, भूलतज्ञ तसेच अनेक डॉक्टर उपलब्ध नाहीत. या पार्श्वभूमीवर जिल्हाधिकारी एम देवेंदर सिंह यांच्या या भेटीला महत्व आले आहे.
