बॉलिवूड अभिनेता सनी देओल आता निवडणुकीच्या मैदानात उतरला आहे. गुरुदासपूरच्या जनतेकडून त्याला तुफान प्रतिसाद मिळत आहे. सनी देओल हे नाव, चेहरा सर्वांनाच परिचयाचे असले तरी त्याच्या पत्नीचा फोटो पहिल्यांदाच समोर आला आहे.
सनी देओल हा चित्रपटात त्याच्या डायलॉग्जसाठी प्रसिद्ध असला तरी, प्रतक्ष आयुष्यात मात्र तो मितभाषी आहे. त्याच्या कुटुंबीयांबद्दल तो फारसा बोलत नाही, किंवा त्याचे कुटुंबीय कधी मीडियासमोर आलेले नाही.
मात्र 'मदर्स डे' निमित्त त्याचा मुलगा करण याने आई पूजा देओल सोबतचे फोटो शेअर केले आहेत.
जेष्ठ अभिनेते धर्मेंद्र यांची सून पूजा देओल कधीही मीडियासमोर आलेली नाही. सनी देओलची बॉलीवूडमध्ये एन्ट्री होण्याअगोदरच त्यांचा विवाह झाला होता.
करण आणि राजवीर अशी त्यांच्या दोन मुलांची नावे आहेत. सनी देओलचे लग्न ब्रिटनमध्ये झाले होते. तेव्हा तिथल्या एका मासिकाने त्यांचा फोटो छापला होता. मात्र त्यानंतर पूजा कधीच झळकल्या नाहीत.
