आनंदनगर कोपरी येथे शिवसेना (उद्धव बाळासाहेब ठाकरे) पक्षाच्या जनसंपर्क कार्यालयाचे शानदार उद्घाटन करण्यात आले. यानिमित्ताने नव्या शाखेचे तोरण बांधण्यात आले असून त्यामाध्यमातून स्थानिक रहिवाशांच्या अडचणी सोडवण्याचे काम करण्यात येणार आहे. नव्या शाखेचे उद्घाटन झाले तेव्हा उद्धव ठाकरे आगे बढो.. हम तुम्हारे साथ है, शिवसेना झिंदाबाद अशा घोषणांनी कोपरीचा परिसर दणाणून गेला. आगामी स्थानिक स्वराज्य संस्थांच्या निवडणुकीत गद्दारांना धडा शिकवण्याचा निर्धार यावेळी शिवसैनिकांनी केला.
कोपरी येथे शिवसेनेच्या नव्या शाखेचे लोकार्पण करण्यात आले तेव्हा शिवसैनिकांसह स्थानिक नागरिकही मोठ्या संख्येने उपस्थित होते. जनसंपर्क कार्यालयाचे उद्घाटन उपजिल्हाप्रमुख कृष्णकुमार कोळी व शहरप्रमुख प्रदीप शिंदे यांच्या हस्ते करण्यात आले. यावेळी बोलताना कोळी व शिंदे यांनी सांगितले की, शिवसेनेचे जनसंपर्क कार्यालय हे सर्वसामान्यांचे हक्काचे ठिकाण असून नागरिकांच्या अडीअडचणी सोडवण्याचे काम करण्यात येणार आहेत. गद्दारांनी कितीही अडथळे आणले तरी शिवसेनेची तेजस्वी मशाल समाजसेवेच्या माध्यमातून धगधगत राहणार असून जनताच या गद्दारांना धडा शिकवेल, असेही यावेळी स्पष्ट करण्यात आले.
याप्रसंगी उपशहरप्रमुख प्रदीप शेंडगे, विभागप्रमुख स्वप्नील शिरकर, उपविभागप्रमुख प्रवीण झेंडे, शाखाप्रमुख नीलेश मालुसरे, महिला विभाग संघटक रंजना शेडगे, उषा मालुसरे, अश्विनी मालुसरे, कविता चोरगे, विद्या चव्हाण, सीमा शेडगे, स्वरा शिरकर, संतोष यादव, प्रसाद बहिरे, विजय दिघे, ओम शेडगे, राजेश पाटील, दत्ता पागवले, संतोष डंगारे, प्रदीप वाघ, सारंग कदम, मुकुंद मोरे, अरविंद चव्हाण, सचिन पागवले, रमेश शिर्के, रवींद्र सिनलकर, प्रमिला भांगे, ज्योती कोळी, अनिता प्रभू, अर्चना शाहीर, पौर्णिमा लाड, कविता सिनलकर, आरती मोरे, पूनम जाधव, मनीषा देशमाने, प्रियांका सुर्वे, जागृती तरे आदी उपस्थित होते.
