पंतप्रधान नरेंद्र मोदी यांना गुरुवारी देशातील काही राज्याच्या मुख्यमंत्र्यांशी फोनवरून संवाद साधला आणि राज्याची कोरोना परिस्थिती जाणून घेतली. यात झारखंडचे मुख्यमंत्री आणि झारखंड मुक्ती मोर्चाचे अध्यक्ष हेमंत सोरेन यांचाही समावेश होता. मोदींनी आपल्याची फोनवरून संवाद साधल्याची माहिती हेमंत सोरेन यांनी ट्विट करून दिली. मात्र यासोबत त्यांनी पंतप्रधानांवर लावलेल्या आरोपांमुळे राजकीय क्षेत्रात खळबळ उडाली.
मुख्यमंत्री हेमंत सोरेन यांनी पंतप्रधान नरेंद्र मोदी हे फक्त ‘मन की बात’ करत असून ‘काम की बात’ करत नसल्याचे म्हटले. ‘आज आदरणीय पंतप्रधान नरेंद्र मोदी यांनी फोन केला. त्यांनी फक्त ‘मन की बात’ केली. त्यांनी कामाची गोष्ट केली असती आणि कामाची गोष्ट ऐकली असती तर चांगले झाले असते’, असे ट्वीट सोरेन यांनी केले.
आज आदरणीय प्रधानमंत्री जी ने फोन किया। उन्होंने सिर्फ अपने मन की बात की। बेहतर होता यदि वो काम की बात करते और काम की बात सुनते।
— Hemant Soren (@HemantSorenJMM) May 6, 2021
सोरेन यांच्या ट्विटनंतर भाजपचे नेते आणि मंत्र्यांनी त्यांच्यावर हल्ला चढवला. आसाम सरकारचे मंत्री हिमंत बिस्व सरमा (Himanta Biswa Sarma) यांनी सोरेन यांच्या आरोपांना उत्तर दिले. ‘जनतेच्या त्रासाबाबज जाणून घेण्यासाठी पंतप्रधान मोदींनी फोन केला होता. याची तुम्ही मजा उडवत आहात. खूपच तुच्छ वर्तन केले आपण. मुख्यमंत्रीपदाचा मान राखला नाही’, असे ट्वीट हिमंत बिस्व सरमा यांनी केले.
आपका यह ट्वीट न सिर्फ़ न्यूनतम मर्यादा के ख़िलाफ़ है बल्कि उस राज्य की जनता की पीड़ा का भी मजाक़ उड़ाना है जिनका हाल जानने के लिए माननीय प्रधानमंत्री जी ने फ़ोन किया था। बहुत ओछी हरकत कर दी आपने। मुख्यमंत्री पद की गरिमा भी गिरा दी https://t.co/AIm0V6uc17
— Himanta Biswa Sarma (@himantabiswa) May 6, 2021
हिमंत बिस्व सरमा यांच्यासर केंद्रीय मंत्री किरण रिजिजू आणि नागालँडचे मुख्यमंत्री नेफी रियो यांनीही सोरेन यांच्यावर हल्लाबोल केला. ‘महामारीच्या या कठीण काळात राजकारण करू नका’, असे किरण रिजिजू म्हणाले तर ‘पंतप्रधान मोदी राज्यांप्रती संवेदनशील असून सोरेन यांचे विधान चुकीचे आहे’, असे नेफी रियो यांनी म्हटले.
कृपया संवैधानिक पदों की गरिमा को इस निम्न स्तर तक न ले जाएं। महामारी के इस कठिन समय में कोई राजनीति नहीं होनी चाहिए।
हम एक टीम इंडिया हैं। https://t.co/ZtYa1axe0t— Kiren Rijiju (@KirenRijiju) May 7, 2021
In my experience as a Chief Minister for several tenure, Honourable @PMOIndia Shri @narendramodi has always been sensitive to the concerns of the states, particularly of the Northeast states. I disagree with Shri @HemantSorenJMM and I hope retracts his statement. https://t.co/UrBVDDHuAw
— Neiphiu Rio (@Neiphiu_Rio) May 7, 2021
पंतप्रधान मोदींवर आरोप करणारे सोरेन पहिले मुख्यमंत्री नाहीत. याआधी छत्तीसगडचे मुख्यमंत्री भूपेश बघेल यांनीही पंतप्रधानांसोबत होणाऱ्या चर्चांवर सवाल उपस्थित केले होते. पंतप्रधानांसोबतची चर्चा ‘वन वे’ असते, कोणतेही उत्तर मिळत नाही, असा आरोप बघेल यांनी केला होता.
