बलाढय़ ब्राझीलला लढवय्या जपानने तोडीस तोड लढत दिली. त्यामुळे हा सामना 1-1 असा बरोबरीत संपणार आणि हा सामनादेखील शूट आऊटमध्ये जाणार, असे दिसत होते. पण ब्राझीलचे दैव बलवत्तर ठरले. कारण अखेरच्या क्षणी ब्राझीलच्या गॅब्रिएल मार्टिनेलीने गोल मारला आणि त्यामुळेच त्यांना जपानवर 2-1 असा थरारक विजय मिळवता आला. त्यामुळे हा सामना जरी ब्राझीलने जिंकला असला तरी सर्वांची मनं मात्र जपानने जिंकल्याचे पाहायला मिळाले.
जपानला मिळाली दमदार आघाडी
सामन्याच्या 29 व्या मिनिटाला जपानचा स्टार खेळाडू कायशो सानोने गोल केला. या गोलमुळे जपानला 1-0 आघाडी मिळाली.
ब्राझीलचे सामन्यात पुनरागमन
दुसऱ्या सत्रात अनुभवी मिडफिल्डर पॅसेमिरोने हवेत उडी मारून एक जोरदार हेडर मारला. पॅसेमिरोच्या गोलमुळे सामना 1-1 असा बरोबरीत आला.
मार्टिनेलीच्या गोलमुळे चमत्कार घडला
निर्धारित वेळेत 1-1 असाच सामना राहिला. त्यानंतर सामना अतिरिक्त वेळेत गेला. अतिरिक्त वेळ संपत होता आणि सामना पेनल्टी शूटआऊटवर जाणार असल्याचे दिसत होते. पण ब्राझीलच्या गॅब्रिएल मार्टिनेलीने एक चमत्कार घडवला. शेवटच्या क्षणी मार्टिनेलीने गोल केला. या गोलमुळे ब्राझीलने सामना 2-1 ने जिंकला.
