आम आदमी पार्टी इथेनॉल मुद्द्यावर आक्रमक झाली असून आता मोठ्या आंदोलनाची तयारी पक्ष करत आहे. सरकारने E 20 चा निर्णय मागे घेतला नाही, तर हे प्रकरण चिघळेल, असा इशारा आपने दिला आहे. पक्ष पुढील आठवड्यात पंतप्रधानांच्या निवासस्थानी मोर्चा काढणार आहे.
आम आदमी पक्षाचे राष्ट्रीय संयोजक अरविंद केजरीवाल यांनी ‘एक्स’ या सोशल मीडिया प्लॅटफॉर्मवर लिहिले आहे की, देशातील तरुणांनी एकत्र येत आवाज उठवल्यामुळे धर्मेंद्र प्रधान यांना राजीनामा देण्यास भाग पडले. आपणही ई-२० विरोधात एकत्र आले पाहिजे. या शनिवारी आम्ही ‘ई-२० विरोधात राष्ट्रीय टाऊनहॉल’ आयोजित करत आहोत. तिथे तुम्ही सहभागी होऊन ई-२० वर तुमची मते व्यक्त करू शकता. तुम्ही ऑनलाइन देखील सहभागी होऊ शकता, असे त्यांनी सांगितले.
देश के युवाओं ने एक होकर आवाज़ उठाई तो धर्मेंद्र प्रधान को इस्तीफ़ा देना पड़ा। E20 पर भी हमें एक होकर आवाज़ उठानी पड़ेगी।
इस शनिवार हम ‘नेशनल टाउनहॉल अगेंस्ट E20’ आयोजित कर रहे हैं, जिसमें शामिल होकर आप E20 पर अपनी बात रख सकते हैं। आप इसमें ऑनलाइन भी शामिल हो सकते हैं। आप सभी… pic.twitter.com/PacK9aVocX
— Arvind Kejriwal (@ArvindKejriwal) July 27, 2026
एक व्हिडिओ शेअर करत अरविंद केजरीवाल म्हणाले की, धर्मेंद्र प्रधान यांनी राजीनामा दिला आहे. आपण पंतप्रधान मोदींना ई-२० पेट्रोलचा प्रश्न सोडवण्याची विनंती केली आहे. लोक अत्यंत त्रस्त आहेत आणि त्यांची वाहने बंद पडत आहेत. आपण सर्वांनी मिळून आवाज उठवला तरच पंतप्रधान ऐकतील. या शनिवारी, ई२० योजनेवर नाराज असलेल्या आणि त्याविरोधात आवाज उठवणाऱ्या देशभरातील सर्व लोकांना एका व्यासपीठावर एकत्र आणण्याचा आमचा प्रयत्न आहे, असे ते म्हणाले.
