बायकोला शिवीगाळ करत अपमानास्पद भाषा वापरून तिच्या विनयशीलतेचा अपमान केल्याबद्दल एका फौजदारी खटल्यात एका पतीला दोषी ठरवण्यात आले आहे. न्यायदंडाधिकारी न्यायालयाने अंधेरीच्या एका 35 वर्षीय व्यक्तीला एका वर्षाच्या सश्रम कारावासाची शिक्षा सुनावली आहे. पत्नीवर शारीरिक अत्याचार केल्याबद्दल त्याला वेगळी शिक्षा सुनावण्यात आली होती.
पतीला सोडण्यास नकार देताना, महानगर दंडाधिकारी एसएआर सेएड म्हणाले की, पत्नीवर आरोप करणे, स्त्रीचे चारित्र्य, प्रतिष्ठा आणि स्वाभिमान याबद्दल अश्लील आणि आक्षेपार्ह शब्द वापरणे ही सामाजिक आणि नैतिक चूक आहे. पत्नीला झालेल्या त्रासाबद्दल न्यायालयाने पतीला 10,000 रुपये देण्याचेही आदेश दिले होते. त्याने तिला अश्लील, अपमानास्पद मजकूर पाठवले होते, त्यानंतर तिने याप्रकरणी तक्रार केली तेव्हा त्याने तिला शिवीगाळ केली. त्याला शिक्षा देताना न्यायदंडाधिकारी म्हणाले की, आरोपींनी हे लक्षात घेतले पाहिजे की त्याने केलेल्या गुन्ह्यामुळे केवळ पीडितेच्या जीवनातच ठेच पोहोचत नाही तर समाजामध्ये आणि गुन्हेगारांना देखील चुकीचा संदेश जातो.
महिलेच्या जबाबावर न्यायदंडाधिकारी म्हणाले की, दुखापत ही केवळ शारीरिक स्वरूपाची नसते तर ती मानसिक आणि भावनिक स्वरूपाची देखील असते. पीडित महिलेने कोर्टात सांगितले की तिने 2018 मध्ये आरोपीशी लग्न केले होते आणि ती त्याची दुसरी पत्नी होती. ती म्हणाली की आरोपी दोन्ही पत्नींसोबत राहत होता. महिलेने सांगितले की, आरोपीसोबत तिचे संबंध बिघडल्यानंतर त्याने तिच्यावर सेक्स वर्कर असल्याचा आरोप करत तिला अश्लील मेसेज पाठवण्यास सुरुवात केली. मात्र आता न्यायालयाने या व्यक्तीला एका वर्षाच्या सश्रम कारावासाची शिक्षा सुनावली आहे.
