त्वचेवर सुरकुत्या, डाग आणि पिग्मेंटेशन ही मोठी समस्या असू शकते. परंतु त्यापासून मुक्त होण्यासाठी महागड्या उत्पादनांची नेहमीच आवश्यकता नसते. आपल्या स्वयंपाकघरात आढळणारा जायफळ सुद्धा आपल्या चेहऱ्यासाठी महत्त्वाचा घटक आहे. जायफळमुळे आपली त्वचा स्वच्छ, चमकदार आणि तरुण राखण्यास मदत होते. जायफळमध्ये असणारे अँटीऑक्सिडंट आणि अँटीबॅक्टेरियल गुणधर्म त्वचेला उजळवतात. त्यामुळे डाग आणि वृद्धत्वाची लक्षणे कमी करण्यासाठी प्रभावी मानले जातात.
जायफळ आणि मध फेस पॅक
जायफळ आणि मध एकत्र केल्याने त्वचा मऊ आणि स्वच्छ होण्यास मदत होते. एक चमचा जायफळाची पेस्ट एक चमचा मधात मिसळा आणि १५ मिनिटे चेहऱ्यावर लावा. नंतर कोमट पाण्याने धुवा. हा पॅक डाग हलके करतो आणि त्वचेला नैसर्गिक चमक देतो.
जायफळ, लिंबू आणि हळद पॅक
अर्धा चमचा जायफळ लिंबूचे काही थेंब आणि चिमूटभर हळद मिसळून पेस्ट बनवा. ते १०-१५ मिनिटे डागांवर लावा, नंतर पाण्याने धुवा. हा पॅक त्वचेला मॉइश्चरायझ करतो आणि डाग हलके करतो. त्वचा संवेदनशील असेल तर लिंबूचे प्रमाण कमी करा किंवा ते टाळा.
जायफळ आणि दही पॅक
एक चमचा जायफळ पावडर आणि एक चमचा दह्याची पेस्ट बनवा. ते संपूर्ण चेहऱ्यावर लावा आणि कोरडे होऊ द्या. यामुळे केवळ फ्रिकल्स कमी होत नाहीत तर त्वचेचा रंगही उजळतो.
कोणताही जायफळ पॅक वापरल्यानंतर, चांगला सनस्क्रीन आणि मॉइश्चरायझर लावा. आठवड्यातून फक्त दोन ते तीन वेळा वापरा. नेहमी ताजे किसलेले जायफळ वापरा आणि लावण्यापूर्वी पॅच टेस्ट नक्की करा.
