हिंदुस्थानच्या कसोटी मालिकेपूर्वी श्रीलंकेचा स्टार यष्टिरक्षक आणि फलंदाज कुशल मेंडिस दुखापतीमुळे हिंदुस्थानविरुद्धच्या सलामीच्या कसोटीला मुकण्याची शक्यता आहे. नुकत्याच झालेल्या देशांतर्गत फ्रँचायझी टी-20 लीगदरम्यान त्याला हॅमस्ट्रिंगचा ताण आला, ज्यामुळे त्याच्या सामन्यासाठीच्या तंदुरुस्तीबद्दल शंका निर्माण झाली आहे.
कुसल मेंडिसला श्रीलंकेच्या फलंदाजीचा महत्त्वाचा कणा मानले जाते. तो हिंदुस्थानच्या गोलंदाजीविरुद्ध आपल्या आक्रमक फलंदाजीसाठी ओळखला जातो. हिंदुस्थानविरुद्ध कुसल मेंडिसची सर्वात संस्मरणीय कामगिरी 2017च्या कोलंबो कसोटीत झाली होती, जिथे त्याने केवळ 135 चेंडूंमध्ये 110 धावांचे आक्रमक शतक झळकावून दबावाखाली श्रीलंकेच्या संघाला सावरले होते. मेंडिस तिन्ही फॉरमॅटमध्ये श्रीलंकेच्या फलंदाजीला बळ देतो. जर तो दुखापतीमुळे संघाबाहेर राहिला तर श्रीलंकेच्या मधल्या फळीला मोठा धक्का बसेल.
देशांतर्गत टी-20 लीगमध्ये धाव घेत असताना त्याच्या हॅमस्ट्रिंगला दुखापत झाली आहे. मिळालेल्या माहितीनुसार वैद्यकीय पथकाने त्याला पूर्णपणे तंदुरुस्त राहण्याचा सल्ला दिला आहे. त्यामुळे हिंदुस्थानविरुद्धच्या सलामीच्या कसोटीत खेळण्याची त्याची शक्यता खूपच कमी झाली आहे. परिणामी, त्याची अनुपस्थिती निश्चित मानली जात आहे.
आगरकर यांच्या जागी नवा चेहरा कोण? गंभीर यांच्याशी जुळवून घेणाऱ्याला पसंती
