अहमदाबादच्या नरेंद्र मोदी स्टेडियमवर पार पडलेल्या IPL 2025 च्या फायनलमध्ये. रॉयल चॅलेंजर्स बंगळुरूने पंजाब किंग्जचा 06 धावांनी पराभव करत पहिल्यावहिल्या आयपीएलच्या विजेतेपदाला गवसणी घातली आहे. या विजयासह आयपीएलला नवीन विजेता मिळाला आहे. बंगळुरूने प्रथम फलंदाजी करताना पंजाबला 190 धावा करत 191 धावांचे माफक आव्हान दिले होते. परंतु आव्हानाचा पाठलाग करताना बंगळुरुच्या गोलंदाजांनी अचूक मारा करत पंजाबच्या फलंदाजांच्या पायात बेड्या घातल्या. एक मागोमाग एक विकेट पडत गेल्याने संघ अडचणीत सापडला. जोश इंग्लिसने 23 चेंडूंमध्ये 4 षटकार आणि एक चौकार मारत 39 धावांची खेळी करत सामन्यात रंगत आणली. मात्र कृणाल पंड्याने त्याला आपल्या फिरकीच्या जाळ्यात फसवलं आणि सामना RCB च्या बाजून झुकला. त्यानंतर शशांक सिंगने (30 चेंडू 61 धावा) पंजाबला चॅम्पियन बनवण्यासाठी शेवटपर्यंत प्रयत्न केला. परंतु इतर फलंदाजांची साथ न मिळाल्यामुळे संघाचा पराभव झाला.
