कर्नाटकमध्ये विधानसभा निवडणुकीची (Karnataka election 2023) रणधुमाळी सुरू आहे. मतदान अवघ्या काही दिवसांवर (10 मे) येऊन ठेपलेले असताना सत्ताधारी भारतीय जनता पक्षाच्या अडचणींमध्ये वाढ होताना दिसत आहे. उमेदवारी याद्यांनंतर भाजपमध्ये नाराजी आणि राजीनामानाट्य रंगले आहे. माजी उपमुख्यमंत्री, आमदार, मंत्र्यांनी पक्षाला सोडचिठ्ठी दिली असून यात आता माजी मुख्यमंत्री जगदीश शेट्टर (Jagadish Shettar) यांच्या नावाचाही समावेश झाला आहे. शनिवारी रात्री शेट्टर यांनी भाजपला रामराम ठोकत असल्याची घोषणा केली.
कर्नाटक विधानसभा निवडणूक, सीमाभागात राष्ट्रवादी लढणार नाही; उर्वरित भागात 46 जागांवर उमेदवार
जगदीश शेट्टर हे हुबळीचे आमदार आहेत. त्यांनी यापूर्वी 6 वेळा विधानसभा निवडणुकीत विजय मिळवला आहे. 2018मध्ये झालेल्या विधानसभा निवडणुकीत शेट्टर 21 हजार मतांच्या फरकाने विजयी झाले होते. काँग्रेसचे महेश नलवाड यांचा त्यांनी पराभव केला होता. मात्र यंदा शेट्टर यांना तिकीट नाकारण्यात आले असून यामुळे ते नाराज आहे. पहिल्या दोन याद्यांमध्ये नाव नसल्याने शेट्टर यांनी दिल्लीत पक्षश्रेष्ठींची भेटही घेतली होती, परंतु त्यांचे समाधान न झाल्याने शनिवारी पत्रकार परिषद घेत शेट्टर यांनी भाजप सोडणार असल्याचे म्हटले. रविवारीच आपण भाजपचे प्राथमिक सदस्यत्त्व आणि विधानसभा आमदारकीचा राजीनामा देणार असल्याचे त्यांनी म्हटले.
कर्नाटकात भाजपा फुटली! सर्वत्र बंडखोरी!! कमळ कोमेजणार; वाटचाल पराभवाच्या दिशेने
तीन महिन्यांपूर्वी पक्षाने मला राजकारणातून बाजूला होण्याची विनंती केली असती, तर मी तेव्हाच बाजूला झालो असतो. मात्र निवडणुकीची घोषणा होईपर्यंत मला काहीच कल्पना देण्यात आली नव्हती आणि आता अचानक बाजूला होण्यास सांगण्यात येते आहे. उत्तर कर्नाटकात आम्ही वाढवलेल्या पक्षाकडून मलाही अपेक्षा नव्हती. हा आमच्या मेहनतीचा अनादर आहे. तरीही पक्षाकडून आतापर्यंत मला जे काही मिळाले त्याबद्दल मी आभारी आहे. रविवारीच शिरशीला जाऊन विधानसभा अध्यक्ष विश्वेश्वर हेगडे-कागेरी यांच्याकडे आमदारकीचा राजीनामा देणार आहे, असे शेट्टर म्हणाले.
Karnataka| BJP leader & Former Karnataka CM Jagadish Shettar to resign from the party on Sunday
There is a conspiracy against me, will tell everything after resigning: Jagadish Shettar#KarnatakaElections2023
(File pic) pic.twitter.com/vPJSp22UU4
— ANI (@ANI) April 15, 2023
माझ्याविरोधात षडयंत्र रचले जात आहे. रविवारी राजीनामा दिल्यानंतर सर्व काही सांगेन. मला तिकीट न दिल्याने 20 ते 25 जागांवर परिणाम होऊ शकतो, असेही शेट्टर म्हणाले. तसेच ते (केंद्रीय मंत्री धर्मेंद्र प्रधान, प्रल्हाद जोशी आणि मुख्यमंत्री बसवराज बोम्मई) मला भेटले. त्यांनी माझ्या कुटुंबातील सदस्य निवडणूक लढवू शकतात आणि मला इतर महत्त्वाचे पद दिले जाईल, असे म्हणत माझी समजूत काढण्याचा प्रयत्न केला, परंतु मी नकार दिला, असेही शेट्टर म्हणाले.
Hubballi, Karnataka | “They (Union Minister Dharmendra Pradhan & CM Basavraj Bommai) met me…….they told me that my family members can contest the election & I will be given other important position, but I refused…”: BJP leader & Former Karnataka CM Jagadish Shettar… pic.twitter.com/4bU0AcxWjl
— ANI (@ANI) April 15, 2023
येडियुरप्पांच्या बहिणीच्या नातवाचा JDS मध्ये प्रवेश
दरम्यान, कर्नाटकचे माजी मुख्यमंत्री बीएस येडियुरप्पा यांच्या बहिणीच्या नातवाने भाजपला सोडचिठ्ठी देत जनता दल एस अर्थात कुमारस्वामी यांच्या JDS पक्षात प्रवेश केला आहे. एनआर संतोष असे त्यांचे नाव असून त्यांनी शनिवारी एचडी कुमारस्वामी यांच्या उपस्थितीत जेडीएसमध्ये प्रवेश केला. एनआर संतोष यांना हासन जिल्ह्यातील अरसीकेरे विधानसभा मतदार संघातून जेडीएस रिंगणात उतरविणार असल्याची चर्चा आहे.
Karnataka election ‘भाजपनं आज तिसरी यादी जाहीर केली नाही तर…’, माजी मुख्यमंत्र्यांचा अल्टिमेटम
