पंतप्रधान नरेंद्र मोदी यांच्या कर्नाटक दौऱ्यात सुरक्षेमध्ये मोठी चूक झाली आहे. पंतप्रधानांचा रोड शो सुरू असताना एका महिलेने फुलांसोबत मोबाईलही मोदींच्या दिशेने फेकला. यामुळे एकच खळबळ उडाली असून याचा व्हिडीओ सोशल मीडियावर व्हायरल झाला आहे.
विधानसभा निवडणुकीच्या प्रचारासाठी पंतप्रधान नरेंद्र मोदी यांनी कर्नाटकमध्ये तळ ठोकला. मोदींसोबत उत्तर प्रदेशचे मुख्यमंत्री योगी आदित्यनाथही कर्नाटकमध्ये आहेत. विधानसभा निवडणुकीच्या पार्श्वभूमीवर म्हैसूरमधील चिक्का गडियारा भागामध्ये मोदींचा रोड शो आयोजित करण्यात आला होता. यावेळी रस्त्याच्या दुतर्फा जमलेले भाजप कार्यकर्ते मोदींवर फुलांची उधलण करत होते. याच दरम्यान एक मोबाईल मोदींच्या दिशेने आला. सुदैवाने हा मोबाईल मोदींना लागला नाही. त्यांच्या कारच्या ताफ्यातील बोनटवर हा मोबाईल पडला. हा सर्व प्रकार कॅमेऱ्यात कैद झाला असून अचानक मोदींच्या दिशेने आलेल्या मोबाईलमुळे सुरक्षा जवानांचीही चलबिचल झाली.
Karnataka: Mobile phone thrown towards PM Modi during roadshow, police says “no ill intention”
Read @ANI Story | https://t.co/4TaAw4VbsG#PMModi #KarnatakaElections2023 #roadshow #KarnatakaAssemblyElections2023 pic.twitter.com/xnaF6iMuMO
— ANI Digital (@ani_digital) April 30, 2023
मोदींच्या दिशेने फेकण्यात आलेल्या मोबाईल भाजपच्याच महिला कार्यकर्त्याचा आहे. उत्साहाच्या भरामध्ये फुलांची उधळण करताना चुकून मोबाईल हातातून निसटल्याचे महिलेने सांगितले. अतिरिक्त पोलीस महासंचालक आलोक कुमार यांनीही या वृत्ताला दुजोरा दिला असून मोदींच्या दिशेने मोबाईल फेकण्याचा महिलेचा कोणताही वाईट हेतू नव्हता, असे त्यांनी सांगितले.
कर्नाटकात पंतप्रधान मोदींच्या सुरक्षेत चूक;‘एसपीजी’चे कडे तोडून तरुण कारजवळ पोहोचला
तीन महिन्यात तिसरी घटना
दरम्यान, पंतप्रधान मोदींच्या सुरक्षेत चूक होण्याची ही तीन महिन्यातील तिसरी घटना आहे. याआधी हुबळीमध्ये पंतप्रधानांचा रोड शो सुरू असताना स्पेशल प्रोटेक्शन ग्रुपची सुरक्षा भेदून एक तरुण हार घेऊन त्यांच्याजवळ पोहोचला. यानंतर सुरक्षा कर्मचाऱ्यांनी तत्काळ या तरुणाला पंतप्रधानांपासून दूर केले. त्याआधी 25 मार्चला एका राजकीय कार्यक्रमासाठी दावणगेरे येथे आलेल्या पंतप्रधानांच्या दिशेने एका व्यक्तीने धाव घेतली होती. सदर व्यक्ती मोदींच्या वाहनापर्यंत पोहोचला होता.
