शाहीनबाग परिसरात पोलिसांशी गैरवर्तन करणाऱ्या आणि त्यांना शिवीगाळ करणाऱ्या काँग्रेसच्या माजी आमदाराला पोलिसांनी अटक केली आहे. मोहम्मद आसिफ खान असं या माजी आमदाराचे नाव आहे. खान हे एका सभेला संबोधित करत होते. या सभेला परवानगी नसल्याचे सांगत पोलीस अधिकाऱ्यांनी खान यांना त्यांचे भाषण थांबवण्यास सांगितले होते. याचा राग आल्याने खान यांनी या पोलीस अधिकाऱ्यांना शिवीगाळ करत धक्काबुक्की केली होती. या घटनेचा व्हिडीओ व्हायरल झाला असून पोलिसांनी या प्रकरणी खान यांना अटक केली आहे.
#UPDATE | The main accused, former Congress MLA Asif Mohd Khan has been arrested. FIR registered at Shaheen Bagh Police Station. Two others Minhaaz and Saabir have also been detained while arresting the accused. Their role in the above FIR is being examined: Delhi Police
— ANI (@ANI) November 26, 2022
Raids are going on for the arrest of the remaining accused who assaulted and misbehaved with police officers: Delhi Police
— ANI (@ANI) November 26, 2022
दिल्ली महापालिका निवडणुकीचा प्रतार सुरू झाला असून आसिफ मोहम्मद खान यांची मुलगी महापालिका निवडणुकीत उतरली आहे. तिच्या प्रचारासाठी खान यांनी ही सभा बोलावली होती. मात्र या सभेसाठी खान यांनी निवडणूक आयोगाची परवानगी घेतली नव्हती. यामुळे पोलीस अधिकाऱ्यांनी त्यांना त्यांचे भाषण थांबवण्यास सांगितले होते. याचा राग आल्याने खान यांनी या पोलिसांना शिवीगाळ करत त्यांना धक्काबुक्की केली होती. खान यांच्याविरोधात शाहीनबाग पोलीस ठाण्यात गुन्हा दाखल करण्यात आला आहे.
पोलीस उपायुक्त इशा पांडे यांनी या घटनेबद्दल माहिती देताना सांगितले की अरीबा खान यांच्या प्रचारासाठी त्यांच्या वडिलांनी म्हणजेच आसिफ मोहम्मद खान यांनी एक सभा बोलावली होती. 2.-30 जणांचा जमाव तिथे होता, त्यांच्यापुढे खान भाषण करत होते. यावेळी पोलीस उपनिरीक्षक अक्षय यांनी खान यांना या सभेसाठी तुम्ही परवानगी घेतली आहे का ? असा प्रश्न विचारला होता. यावर खान यांनी अक्षय आणि त्यांच्या सहकाऱ्यांना शिवीगाळ करत धक्काबुक्की करण्यास सुरुवात केली. दिल्ली महापालिका निवडणुकीसाठीचे मतदान 4 डिसेंबरला होत असून 7 डिसेंबरला मतमोजणी होणार आहे.
