नगर जिल्ह्यातील श्रीरामपूर तालुक्यात 2250 किलो गोवंशीय जातीच्या जनावरांचे कत्तल केलेले मांस जप्त करण्यात आले आहे. साहित्यासह एकूण 4,50,100 रुपये किंमतीचा मुद्देमाल हस्तगत करण्यात आला आहे. श्रीरामपूर शहर पोलिसांनी ही कारवाई केली आहे. या प्रकरणी तीन जणांना अटक करण्यात आली असून एकजण फरार आहे. हबाज आयाज कुरेशी , अरबाज आयाज कुरेशी, फयाज आयास कुरेशी या तिघांना अटक करण्यात आली आहे. अदनान मेहबुब कुरेशी, रोहबाज मेहमुद कुरेशी,आरबाज मेहमुद कुरेशी, शाहिद मुश्ताक कुरेशी यांना नोटीस बजावण्यात आली आहे. तर हारुण अब्दुलनबी कुरेशी हा आरोपी फरार आहे.
पोलीस निरीक्षक नितीन देशमुख यांना खबऱ्यामार्फत माहिती मिळाली की, हारुन अब्दुलनबी कुरेशी (रा. मिलत्तनगर वार्ड नं.01, श्रीरामपूर) त्याच्या घराच्या कंपाउंडमध्ये काहीजण गोवंशिय जनावरांची कत्तल करत आहेत. खात्रीशीर माहिती मिळाल्याने पोलीस निरीक्षक नितीन देशमुख यांनी पोलीस पथकास कारवाई करण्याचे आदेश दिले. पोलीस पथकाने, पंच व पशु वैदयकीय अधिकाऱ्यांसह तेथे छापा टाकला. त्या ठिकाणी काहीजण गोवंशीय जनावराच्या मांसाचे तुकडे करताना आढळले. त्यांना पकडून त्यांच्यावर गुन्हा दाखल करण्यात आला आहे. तर एक आरोपी फरार आहे.
धाड टाकलेल्या ठिकाणाहून 4,50,000 रुपयांचा मुद्देमाल जप्त करण्यात आला आहे. त्यात कत्तल केलेल्या जनावरांचे मांस वजन अंदाजे 2250 किलो आणि लाकडी मुठ व धार असलेला सुरा यांचा समावेश आहे.
