काँग्रेसच्या सरचिटणीस प्रियांका गांधी वाड्रा यांनी सोमवारी पंतप्रधान नरेंद्र मोदी यांच्या आरोपांवरून (काँग्रेसने कोरोनाच्या काळात परप्रांतीयांना मोफत रेल्वे तिकीट दिले, ज्यामुळे पंजाब, उत्तर प्रदेश आणि उत्तराखंडमध्ये कोविडचा प्रसार झाला) प्रश्न विचारले की पंतप्रधानांच्या सभांचे काय? पायी परतणाऱ्या गरिबांना त्रास होत रहावा, अशी मोदींची इच्छा होती? पणजीत प्रसारमाध्यमांशी संवाद साधताना प्रियंका म्हणाल्या की, ‘ज्या लोकांना त्यांनी सोडून दिले होते, ज्यांना त्यांच्या घरी परतण्याचा मार्ग नव्हता, जे परत पायी जात होते – त्यांना कोणीही मदत करायला नको होती का? मोदीजींना काय हवे होते?
प्रियंका असेही म्हणाल्या की “त्यांनी केलेल्या मोठ्या रॅलींचे काय?” कोविडच्या काळातच पंतप्रधान मोदींनी सभा घेतल्या.
लोकसभेत राष्ट्रपतींच्या अभिभाषणावरील धन्यवाद प्रस्तावावर पंतप्रधान मोदींनी सोमवारी सभागृहात केलेल्या भाषणात काँग्रेसवर जोरदार हल्ला चढवला होता. त्यांनी आरोप केला की, कोरोनाच्या पहिल्या लाटेत, जेव्हा प्रत्येक मोठा नेता आवाहन करत होता की, जो कोणी आहे तिथे रहा, जेणेकरून कोरोनाचा संसर्ग पसरण्यापासून रोखता येईल, परंतु काँग्रेसच्या एकाही नेत्याने तसे म्हटले नाही. काँग्रेस नेत्यांनी स्थलांतरित मजुरांना मुंबई सोडण्यासाठी मोफत तिकीट वाटप केले होते, त्यामुळे यूपी, बिहार आणि उत्तराखंड सारख्या राज्यांमध्ये कोरोनाचा प्रसार झपाट्याने झाला.
