टीम इंडियाचा स्टार खेळाडू सूर्यकुमार यादव हा आपल्या दमदार कामगिरीच्या जोरावर चमकता सितारा बनलाय. यशही त्याच्या पायावर सध्या लोळण घेतंय. ऑस्ट्रेलियात झालेला वर्ल्डकप गाजवल्यानंतर आता ‘सूर्या’ नावाचे वादळ न्यूझीलंडमध्ये धावाचा पाऊस पाडत आहे. नुकत्याच झालेल्या टी-20 लढतीत सूर्यकुमारने चौकार-षटकारांची आतषबाजी करत नाबाद शतकी खेळी साकारली. या खेळीच्या बळावर आधी टीम इंडियाने न्यूझीलंडसमोर डोंगराएवढे आव्हान ठेवले. त्यानंतर दिपक हुड्डाच्या बळींच्या चौकाराच्या मदतीने सामना आरामात जिंकला. नाबाद शतक ठोकणारा सूर्यकुमार यादव सामनावीर पुरस्काराचा मानकरी ठरला.
सूर्यकुमार यादव याने 51 चेंडूत नाबाद 111 धावा चोपल्या. त्याच्या या वादळी खेळीची सोशल मीडियावर चर्चा असताना टीम इंडियाचा कर्णधार रोहित शर्मा याचे एक जुने ट्विट वेगाने व्हायरल होत आहे. या ट्विटमध्ये रोहित शर्माने सूर्यकुमारची स्तुती करत त्याच्या भविष्याबाबत भाकित वर्तवले आहे.
‘चेन्नईत बीसीसीआयचा पुरस्कार सोहळा पार पडला. भविष्यात काही मनोरंजक क्रिकेटपटू असणार आहेत. मुंबईचा सूर्यकुमार हा भविष्यात पाहण्यासारखा खेळाडू असेल’, असे या ट्विटमध्ये रोहित शर्माने म्हटले आहे. त्याचे हे ट्विट नेटकरी सध्या रिट्विट करत प्रतिक्रियाही देत आहेत.
Now he rolling the world cricket.. thankyou captain for backing him🙏🏻#RohitSharma #SuryakumarYadav 💖💯 https://t.co/toiXsBqMAM
— ΝΘᏴᏆͲᎪ🇮🇳🚩❣️💯 (@NTH82873844) November 20, 2022
सूर्यकुमार यादव हा टीम इंडियाचा आघाडीचा फलंदाज असून आयसीसी टी-20 क्रमवारीत तो पहिल्या स्थानावर विराजमान आहे. आतापर्यंत त्याने 41 टी-20 लढतीत 39 डावात फलंदाजी करताना 1395 धावा चोपल्या आहेत. 181.64 अशा स्वप्नवत स्ट्राईक रेटने त्याने या धावा केल्या आहेत. यात त्याच्या 2 शतकांचा समावेश आहे. विशेष म्हणजे 2022 मध्येच त्याने ही दोन्ही शतकं ठोकली आहेत.
