कोचीहून दिल्लीकडे जाणाऱ्या इंडिगोच्या ‘6ई2706’ विमानात बॉम्ब असल्याची धमकी आल्यानंतर त्या विमानाचे मंगळवारी सकाळी 11.30 च्या सुमारास नागपूरच्या डॉ. बाबासाहेब आंबेडकर आंतरराष्ट्रीय विमानतळावर ईर्मजन्सी लँडिंग करण्यात आले. त्यानंतर लगेच पोलिसांनी विमानाचा ताबा घेऊन अधिक तपास सुरू केला. श्वानपथकाने घातक वस्तूचा शोध घेतला. मात्र कोणतीही घातक वस्तू आढळली नसल्याचे पोलीस अधिकाऱ्यांनी सांगितले. मस्कतहून दिल्लीला चाललेल्या या विमानात एकूण 157 प्रवासी होते.
डीजीसीएने वैमानिकांचा प्रशिक्षण रेकॉर्ड मागवला
‘रॉयटर्स’ने दिलेल्या वृत्तानुसार, डीजीसीएने अहमदाबाद भीषण अपघातात सहभागी वैमानिक आणि फ्लाइट डिस्पॅचरचे प्रशिक्षण रेकॉर्ड एअर इंडियाकडे मागितले आहे. लंडनला जाणाऱ्या बोईंग 787-8 ड्रीमलायनरच्या अपघातामुळे प्रशिक्षण प्रोटोकॉल आणि सुरक्षा पद्धतींचा व्यापक आढावा घेतला जात आहे. डीजीसीएने सर्व फ्लाइंग स्कूलना सुरक्षा अनुपालन तपासणी करण्याचे निर्देश दिले आहेत
