शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे यांनी उद्योगमंत्री उदय सामंत यांच्या लंडन दौऱ्याची पोलखोल केली होती. कशाप्रकारे जनतेच्या पैशांवर मंत्री मंडळाचे सहल दौरे सुरू असल्याचे त्यांनी दाखवले होते. त्यांनी केलेल्या पोलखोलीनंतर मुख्यमंत्री एकनाथ शिंदे व सभापती राहुल नार्वेकर यांनी त्यांचे दौरे रद्द केले होते. मात्र उद्योगमंत्री उदय सामंत हे आज त्यांच्या लंडन दौऱ्यावर रवाना झाले आहेत. त्यावरून आदित्य ठाकरे यांनी त्यांना फटकारले आहे.
So the Industries Minister of Khoke Sarkar has gone ahead on his trip to London, even after us exposing the bogus agenda.
I still ask him to make public, his minute to minute schedule, with photos of each of his meetings, if any, with concrete outcomes.
More so, he still can…
— Aaditya Thackeray (@AUThackeray) October 3, 2023
उदय सामंत हे सध्या इंग्लंडला गेले असून तिथून ते दावोस व म्युनिकला देखील जाणार आहेत. दावोस येथे डिसेंबर जानेवारी महिन्यात होणाऱ्या आगामी जागतिक अर्थ परिषदेच्या ठिकाणाची पाहणी करणार असल्याचे त्यांच्या कार्यक्रमात नमूद करण्यात आले आहे तर म्युनिकबाबत काहीही माहिती देण्यात आलेली नाही. त्यावरून आदित्य ठाकरे यांनी उदय सामंत यांच्या या दौऱ्यावर टीका केली होती. त्यानंतरही दावोसचा हा पाहणी दौरा नक्की कशासाठी आहे याबाबत सरकारकडून कोणतेही स्पष्टीकरण आले नाही व उदय सामंत दौऱ्याला रवाना झाले आहेत. त्यावरून आदित्य ठाकरे यांनी पुन्हा एकदा त्यांच्यावर निशाणा साधला आहे,
” आम्ही खोके सरकारच्या उद्योग मंत्र्यांच्या लंडन दौऱ्याचा बोगस अजेंडा उघडकीस आणून देखील उद्योगमंत्री लंडनच्या दौऱ्यावर निघून गेले आहेत. त्यांनी त्यांच्या प्रत्येक मीटिंगच्या फोटोंसह, ठोस पुराव्यांसह, मिटिंगचे मिनिट-मिनिट शेड्यूल सर्वांसमोर जाहीर करावे असे माझे त्यांना आवाहन आहे. करण्यास सांगतो. तसंच महाराष्ट्राचा पैसा वाया घालवण्याऐवजी आपला दावोस “पाहणी दौरा” आणि म्युनिक दौरा ते रद्द करू शकतात. जर ते स्वत:च्या पैशाने ही सहल करणार असतील तर खऱ्या अर्थाने ते त्या सुट्टीचे हकदार असतील”, असे ट्विट आदित्य ठाकरे यांनी केले आहे.
