अलेक्झांड्र जेवारेवने किताबी लढतीत द्वितीय मानांकित डॅनिल मेदवेदेवचा सरळ सेटमध्ये धुव्वा उडवून कारकीर्दीत दुसऱयांदा एटीपी फायनल्स टेनिस स्पर्धेचे विजेतेपद पटकावले. उपांत्य फेरीत अव्वल मानांकित जोकोविचला पराभवाचा धक्का देणाऱया जेवारेवने मेदवेदेवचा 6-4, 6-4 असा पराभव करीत जेतेपदाला गवसणी घातली.
पियरे ह्यूज हरबर्ट व निकोलस माहूट या जोडीने पुरुष दुहेरीचे विजेतेपद पटकावले. त्यांनी राजीव राम व जो सेलिसबरी या जोडीचा 6-4, 7-6 असा पराभव केला.
