चीनच्या हांगझोऊ येथे सुरू असलेल्या आशियाई क्रीडा स्पर्धेत हिंदुस्थानच्या तिरंदाजांनी पदकांचा पाऊस पाडला आहे. आज 14व्या दिवशी तिरंदाजीत हिंदुस्थानने दोन सुवर्णपदक, एक रौप्यपदक आणि एका कांस्यपदकाची कमाई केली. यामुळे हिंदुस्थान शंभर पदकांच्या जवळ पोहोचला आहे. सध्या हिंदुस्थानचे 99 पदकं झाली असून लवकरच 100 पदकांचा आकडाही पार करेल.
ज्योति सुरेखा वेन्नम (Jyothi Surekha Vennam) हिने आजच्या दिवसाची सुरुवात गोल्डने करून दिली. महिलांच्या कंपाऊंड (Archery Women’s Compound) प्रकारामध्ये तिने कोरियाच्या खेळाडूचा 149-145 अशा गुणफरकाने पराभव केला आणि सुवर्णपदक जिंकले.
Hangzhou Asian Games: Jyothi Surekha Vennam wins gold after defeating Korea with a score of 149-145 in the Archery Women’s Compound, at the #AsianGames2022 pic.twitter.com/fwFgwySgQR
— ANI (@ANI) October 7, 2023
त्यानंतर तिरंदाजीतील पुरुषांच्या कंपाऊंड क्रिडाप्रकाराची अंतिम फेरी हिंदुस्थानच्याच ओजस प्रविण देवताळे (Ojas Pravin Deotale) आणि अभिषेक वर्मा (Abhishek Verma) या जोडीमध्ये झाली. अतितटीच्या झालेल्या या लढतीत मराठमोळ्या ओजसने 149-147 अशा गुणफरकाने विजय मिळवत सुवर्णपदक जिंकले. विशेष म्हणजे ओजस आणि ज्योति या जोडीने तिरंदाजी मिश्र स्पर्धेतही सुवर्णभेद केला होता. या जोडीने दक्षिण कोरियाच्या जोडीवर 159-158 अशा रोमहर्षक विजय मिळवला होता.
Hangzhou Asian Games: Ojas Pravin Deotale wins gold by defeating Abhishek Verma (149-147) in the men’s compound archery final.
Abhishek Verma wins Silver. pic.twitter.com/uH8nMcZM3j
— ANI (@ANI) October 7, 2023
