कोरोना विषाणूची जीवनसाखळी तोडण्याच्या उद्देशाने देशात लागू केलेल्या लॉक डाऊननंतरही हिंदुस्थानातील कोरोनाग्रस्तांच्या संख्येने 48 लाखांवरचा टप्पा गाठला आहे. देशात 24 तासांत 92,071 अशा विक्रमी संख्येत नव्या कोरोना रुग्णांची भर पडली आहे. त्यामुळे आता देशातील कोरोनाग्रस्तांचा एकूण आकडा 48 लाख 46 ,428 झाला आहे. त्यात 9 लाख 86 हजार 598 रुग्णांवर उपचार सुरु असून दिवसभरात 1,136 कोरोनाग्रस्तांचा मृत्यू झाला आहे. आतापर्यंत देशातील 37 लाख 80 हजार 108 रुग्ण उपचारानंतर बरे झाले असून एकूण 79,722 नागरिक कोरोनाचे बळी ठरले आहेत, अशी माहिती केंद्रीय आरोग्य मंत्रालयाने दिली आहे.
