हार्बर मार्गावरील नियोजित मेगा ब्लॉक रद्द करण्यात आल्याची माहिती मध्य रेल्वेने दिली आहे. मध्य रेल्वेने दुपारी 11च्या सुमारास ट्विट करून ही माहिती दिली. यामुळे रविवारी या मार्गावरून प्रवास करणाऱ्या प्रवाशांना दिलासा मिळाला आहे.
मध्य रेल्वेने दिलेल्या माहितीनुसार, रविवारी हार्बर मार्गावर घेण्यात येणारा मेगा ब्लॉक रद्द करण्यात आला आहे. अब आणि डाऊन मार्गावरील लोकल रविवारच्या वेळापत्रकानुसार चालतील. मात्र ट्रान्स हार्बर मार्गावर दुपारी 11.30 ते 14.30 पर्यंत मेगा ब्लॉक घेण्यात येणार आहे. नवीन वेळापत्रक जाणून घेऊन प्रवाशांनी या मार्गावर प्रवास करावा असे आवाहन मध्य रेल्वेने केले.
MEGA BLOCK ALERT!
Today’s Scheduled Mega Block on Harbour Line Cancelled.
Up & Down Harbour local trains will run as per Sunday Time Table.However a Special Maintenence Block will be on Trans-Harbour line from 11.30 hrs to 14.30 hrs on date 12.05.2024.
Passengers are…
— Central Railway (@Central_Railway) May 12, 2024
असा होता नियोजित मेगाब्लॉक?
हार्बर मार्गावरील कुर्ला-वाशी अप आणि डाउन मार्गावर रविवारी सकाळी 11.10 ते दुपारी 4.10 वाजेपर्यंत मेगाब्लॉक घेण्यात येणार होता. या कालावधीत वाशी, बेलापूर, पनवेल येथून सुटणाऱ्या सीएसएमटी मुंबईकडे जाणाऱ्या अप हार्बर मार्गावरील सेवा आणि सीएसएमटी येथून वाशी/पनवेल/बेलापूरकडे जाणाऱ्या डाउन हार्बर मार्गावरील सेवा रद्द राहणार होत्या. मात्र आता हा मेगा ब्ल़ॉक रद्द करण्यात आला आहे.
