राजेश देशमाने । बुलढाणा
‘शाळेची इमारत म्हणजे केवळ दगड विटांचे भवन नसून त्या इमारतीमध्ये समाज बांधणी करणारे, माणुसकी जपणारी माणसे तयार झाली पाहिजे. विद्येबरोबर विवेक आला पाहिजे. आज शिक्षणाचा धंदा सुरू आहे. पोटभरु शिक्षण न देता मूल्याधारित शिक्षण देणे गरजेचे आहे’, असे प्रतिपादन राष्ट्रीय स्वयंसेवक संघाचे सरसंघचालक मोहनजी भागवत यांनी केले.
चिखली येथील आदर्श विद्यालयाच्या नुतन वास्तुचा लोकार्पण सोहळा सोमावारी राष्ट्रीय स्वयंसेवक संघाचे सरसंघचालक मोहनजी भागवत यांच्या शुभहस्ते संपन्न झाला. कार्यक्रमाच्या अध्यक्षस्थानी शिक्षण प्रसारक मंडळ चिखलीचे अध्यक्ष, रामकृष्ण दादा शेटे यांच्यासह आशीर्वाद देण्यासाठी स्वामी हरिचैतन्यानंद सरस्वतीजी महाराज, पळसखेड सपकाळ, विद्याभारतीचे अखिल भारतीय संघटन मंत्री काशिपती यांची विशेष उपस्थिती होती.
यावेळी सरसंघचालक मोहनजी भागवत म्हणाले की, केवळ पोट भरण्यासाठी दिले जाणारे शिक्षण उपयोगाचे नाही तर शिक्षणातून सुसंस्कारी व संस्कृत माणूस घडला पाहिजे. त्यामुळे शाळेत शिक्ष्ण देतांना उत्तंम विद्यार्थी घडविणारे समाजाची बांधणी करणारे शिक्षण देणे गरजेचे आहे. विद्या-धन व शक्ती धारण करणार्‍या व्यक्तींनी यांचा उपयोग समाजहितासाठी करणे गरजेचे आहे. त्याचबरोबर मिळालेल्या यश अपयशावर अंवलंबुन न राहता सतत कार्यरत राहणे गरजेचे आहे कारण यश अपयश ही एक निरंतर चालणारी प्रक्रिया आहे. शिक्षण म्हणजे केवळ पुस्तकी ज्ञान नव्हे तर जिवनात उपयोगी पडणारे ज्ञान देणे गरजेचे असल्याचेही ते म्हणाले.
सरसंघचालकाची शेटे परिवाराची कौटुंबिक भेट
