स्वप्नील आणि मुक्ताने नुकताच ढोल ताशांच्या स्वरात मनमुराद नाचण्याचा आनंद लुटला. निमित्त होतं गाण्याच्या प्रकाशनाचं
येत्या 7 डिसेंबर रोजी मुक्ता आणि स्वप्नीलचा मुंबई-पुणे-मुंबई ३ प्रदर्शित होणार आहे.
या चित्रपटातील 'गं साजणी' या गाण्याचं प्रकाशन करण्यात आलं. आगामी चित्रपटात हे गाणं एका नव्या ढंगात सादर होणार आहे.
विलेपार्ले येथील प्रबोधनकार ठाकरे क्रीडासंकुलात हा कार्यक्रम पार पडला.
या कार्यक्रमावेळी ढोलवादन करत स्वप्नील आणि मुक्ताने धमाल उडवून दिली.
या गाण्याला राम कदम, अविनाश-विश्वजीत यांचे संगीत आहे तर आदर्श शिंदे यांचा आवाज आहे. मूळ गाणे जगदीश खेबुडकर यांचे असून त्यात विश्वजित जोशी यांनी भर घातली आहे.
या संगीत प्रकाशनावेळी चित्रपटाची संपूर्ण टीम उपस्थित होती.
