पाकिस्तानने जम्मूच्या आंतरराष्ट्रीय सीमेवर हिंदुस्थानच्या हद्दीत 50 मिटर लांब बोगदा खोदल्याचे धक्कादायक वृत्त आहे. दहशतवादी आणि अंमली पदार्थ तस्करांनी घुसखोरी करण्यासाठी पाकड्यांनी हा बोगदा खोदला होता. सीमा सुरक्षा दलाच्या (बीएसएफ) सतर्कतेमुळे पाकचा कट उधळला गेला आहे.
On 28 August 2020, alert troops of BSF detected a tunnel of appx 20 feet long of 3-4 feet wide in Indian territory near International Border in Basantar area in District Samba, Jammu. pic.twitter.com/dZS35vvHG4
— BSF (@BSF_India) August 29, 2020
बीएसएफचे संचालक राकेश अस्थाना यांनी सीमेवरील घुसखोरी रोखण्यासाठी अलर्ट जारी केला आहे. जम्मू विभागात आंतरराष्ट्रीय सीमेनजीकच्या भागातील शेतकऱ्य़ाची जमीन खचल्याचे बीएसएफच्या गस्ती पथकाच्या लक्षात आले. जवानांनी जेसीबीने जमीन खोदली असता येथे पाकड्यांनी बोगदा खोदल्याचे लक्षात आले.
- जम्मुतील सांबा सेक्टरमधील गालार परिसरात आंतरराष्ट्रीय सीमेवर बोगदा आहे.
- बोगद्याचे तोंड पाकिस्तानच्या बाजूने असून तेथून 700 मिटरवर पाक सैन्याची ‘गुलजार’ चौकी आहे.
- हिंदुस्थानच्या हद्दीत 50 मिटरपर्यंत हा बोगदा आहे. 4 फुटांपर्यंत त्याची रुंदी असून, 25 फूट खोली आहे. बीएसएफच्या चौकीनजीक हा बोगदा आहे.
- बोगद्याच्या तोंडाला 8 ते 10 वाळूचे पोते लावल्याची आढळले. पोत्यांवर कराची आणि शाहकारगड असे नावे आहेत.
