रिषभ पंतने दमदार शतक ठोकत हिंदुस्थानच्या यष्टीरक्षक फलंदाजांमध्ये ऑस्ट्रेलियात इतिहास घडवला आहे.
रिषभ पंतने ऑस्ट्रेलियात सिडनी कसोटीच्या दुसऱ्या दिवशी 137 चेंडूमध्ये कसोटी कारकिर्दीतले दुसरे कसोटी शतक ठोकले.
रिषभ पंत हिंदुस्थानचा पहिला यष्टीरक्षक फलंदाज ठरला आहे, ज्याने ऑस्ट्रेलियामध्ये 72 वर्षांच्या क्रिकेट इतिहासात शतकी खेळी करण्याचा मान मिळवला आहे.
हिंदुस्थान ऑस्ट्रेलियामध्ये1947 पासून कसोटी क्रिकेट खेळत आहे. मात्र धोनीसह एकाही यष्टीरक्षक फलंदाजाला आजपर्यंत ऑस्ट्रेलियात शतक झळकवता आले नव्हते.
विदेशी भूमीवरील रिषभ पंतचे हे कसोटी क्रिकेटमधील दुसरे शतक आहे.
यापूर्वी इंग्लंडमध्ये ओव्हल कसोटीत पंतने 146 चेंडूत 114 धावा ठोकल्या होत्या. त्यामुळे तो असं करणारा 1932 पासूनच्या इतिहासातला पहिला यष्टीरक्षक फलंदाज ठरला.
