सामना प्रतिनिधी । ठाणे
भिवंडी जवळ रांजणोली जंक्शनजवळील ओवळी गाव येथे केमिकल पावडर घेऊन जाणारा ट्रक उलटला आहे. ट्रक रस्त्याच्या मधोमध उलटल्याने मुंबई नाशिक महामार्गावरील दोन्ही बाजुची वाहतूक पूर्णपणे ठप्प झाली आहे.
मुंबई-नाशिक महामार्गावरील वाहतूक मोठ्या प्रमाणात वाढली आहे. त्यामुळेच सोमवारी पहाटे ट्रक उलटून झालेल्या अपघातानंतर शेकडो गाड्यांच्या काही किलोमिटरच्या रांगा दोन्ही बाजुने लागल्या आहे.
