राष्ट्रीय स्वयंसेवक संघाच्या विरोधात वंचित बहुजन आघाडीने आज शहरात ‘जन आक्रोश मोर्चा’ काढला. शहरातील आरएसएसच्या कार्यालयावर हा मोर्चा नेण्यात आला. यावेळी वंचित बहुजन आघाडीचे युवा नेते सुजात आंबेडकर, राज्य समिती सदस्य अमित भुईगळ आणि राज्य समिती सदस्य शमीभा पाटील यांनी थेट उपायुक्त यांच्याकडे भारतीय संविधान, तिरंगा ध्वज आणि महाराष्ट्र पब्लिक ट्रस्ट अॅक्टची प्रत सुपूर्द केली. पोलिसांनी या मोर्चाला परवानगी नाकारली. या ‘जन आक्रोश मोर्चात’ हजारोंच्या संख्येने नागरिक सहभागी झाले होते. या वेळी उपस्थितांनी ‘भारतीय संविधान जिंदाबाद’ अशा जोरदार घोषणा दिल्या.
