‘अहमदाबाद येथून लंडनला निघालेल्या विमानाचा अपघात झाला आणि त्यात अनेक प्रवासी आणि नागरिकांचा मृत्यू झाला. ही अतिशय दुःखद घटना आहे. या घटनेतील मृतांना भावपूर्ण श्रद्धांजली पण मृत्यूचा सापळा बनणार असतील तर बोईंगच्या ड्रीमलायनर्सची सेवा खंडित करा’, अशी मागणी मनसे अध्यक्ष राज ठाकरे यांनी केली. 2013 ला पहिल्यांदा जपान एअरलाईन्सच्या विमानाला आग लागली होती. 2020 ते 2023 या काळात अनेकदा या विमानांचे उड्डाण थांबवले गेले होते. जानेवारी 2013 ला तर अमेरिकेपासून युरोपपर्यंत जवळपास सगळय़ा मोठय़ा विमान प्राधिकरणांनी 3 महिने बोईंग ड्रीमलायनरचे उड्डाण खंडित केले होते, असे राज ठाकरे म्हणाले.
