देवभूमी उत्तराखंडमध्ये पुन्हा एकदा निसर्गाचे तांडव पाहायला मिळाले. चमोली जिल्ह्यात निती खोऱ्यातील सुमना येथे तुफान बर्फवृष्टीनंतर हिमस्खलन झाले. यात आतापर्यंत 8 जणांचा मृत्यू झाला असून 384 जणांना सुखरुप वाचवण्यात यश आले आहे, अशी माहिती हिंदुस्थानी लष्कराने दिली आहे.
याबाबत हिंदुस्थानी लष्कराच्या सेंट्रल कमांडने माहिती देताना सांगितले की, बॉर्डर रोड ऑर्गनायजेशन (BRO)चा एक कँप बर्फाच्या वादळात सापडला. चीन सीमेजवळील जोशीमठ सेक्टरच्या सुमना भागात ही घटना घडली. ही दुर्घटना घडली तेव्हा भापकुंड ते सुमना या रोडवरील बर्फ हटवण्याचे काम सुरू होते. यात 8 जण ठार झाले आहेत.
Uttarakhand avalanche update | 384 people have been rescued, 10 bodies recovered, 8 persons unaccounted for so far: Indian Army pic.twitter.com/ydZbPusNMM
— ANI (@ANI) April 24, 2021
दरम्यान, मुख्यमंत्री तिरथ सिंग रावत (CM Tirath Singh Rawat) यांनी प्रशासनाला अलर्टवर राहण्याचे आदेश दिले आहेत. तसेच जिल्हा प्रशासन आणि बीआरओच्या संपर्कात असल्याचे ट्वीट त्यांनी केले आहे. तसेच मुख्यमंत्र्यांनी घटनास्थळाची हवाई पाहणी देखील केली.
नीती घाटी के सुमना में ग्लेशियर टूटने की सूचना मिली है। इस संबंध में मैंने एलर्ट जारी कर दिया है। मैं निरंतर जिला प्रशासन और बीआरओ के सम्पर्क में हूँ।
— Tirath Singh Rawat (@TIRATHSRAWAT) April 23, 2021
#WATCH | Uttarakhand: CM Tirath Singh Rawat conducts an aerial survey of Sumna area of Joshimath Sector in Chamoli district, where an avalanche occurred yesterday during heavy snowfall. pic.twitter.com/Iq8bz1hFYC
— ANI (@ANI) April 24, 2021
‘त्या’ दुर्घटनेच्या आठवणीने थरकाप
याआधी फेब्रुवारी महिन्यात चमोली येथे जोशीमठ जवळ हिमस्खलनामुळे धौलीगंगा नदीला पूर आला होता. यामुळे एका प्रकल्पासाठी काम करणारे मजूर वाहून गेले होते आणि 54 जणांचा मृत्यू झाला होता. तसेच शेकडो लोक बेपत्ता झाले होते. या घटनेच्या आठवणीने सर्वांचा थरकाप उडाला.
