चंद्रपूर शहरातील ज्युबिली शाळेच्या खोली क्रमांक 2 मधील मतदान यंत्रात बिघाड आल्याने सुमारे अर्धा तास येथील मतदान ठप्प होते. येथील मतदान यंत्रातून vvpat बाहेर पडताना दिसत नसल्याचे लक्षात आल्यावर मतदारांनी तक्रार केली. तेव्हा तपासणी केली असता मतदारांची तक्रार खरी निघाली. त्यामुळे वेळीच मतदान थांबवण्यात आले. दुसरे vvpat बोलावण्यात आले. तोपर्यंत अर्धा पाऊण तास मतदारांना रांगेत तिष्टत उभे राहावे लागले. यामुळे मतदार चांगलेच संतापले. नवीन vvpat लावल्यानंतर मतदान पूर्ववत झाले.
