चीनमधून जगभरात पाय पसरत असलेल्या कोरोना व्हायरसमुळे हिंदुस्थानात एकाचा मृत्यू झाला आहे. कर्नाटकातील कलबुर्गी येथील एका 76 वर्षीय वृद्धाचा कोरोनामुळे मृत्यू झाला आहे. एएनआय या वृत्तसंस्थेने याबाबतचे वृत्त दिले आहे. तसेच कर्नाटकाचे आरोग्य विभागाचे आयुक्त मनोज कुमार मीना यांनी या वृत्ताला दुजोरा दिला आहे.
Commissioner,Karnataka Health Dept:76-yr-old man from Kalaburagi who passed away&was a suspected COVID-19 patient has been confirmed positive for COVID-19. Contact tracing, isolation&other measures being taken. Telangana Govt. has also been informed as he went to a hospital there
— ANI (@ANI) March 12, 2020
मिळालेल्या माहितीनुसार, 76 वर्षीय वृद्ध हे सौदी अरेबियाहून परतले असल्याचा अंदाज वर्तविला जात आहे. त्यांना कोरोनाची लागण झाल्यामुळेच रुग्णालयात दाखल करण्यात आले होते. दोन दिवसांपूर्वी उपचारादरम्यान त्यांचा मृत्यू झाला, अशी माहिती कर्नाटकच्या आरोग्य विभागाकडून देण्यात आली आहे.
दरम्यान, देशात आतापर्यंत 77 जणांना कोरोना झाल्याचे स्पष्ट झाले आहे. यातील 14 रुग्ण महाराष्ट्रातील असल्याचे आरोग्यमंत्री राजेश टोपे यांनी गुरुवारी पत्रकार परिषद घेत सांगितले आहे.
